XOGTA: Saciid Dani oo la kala cadeeyay inuu aqbalay gogosha Madaxweyne Xasan iyo in kale

April 22, 2025

Waxaa soo baxaya warar sheegaya in Madaxweynaha Puntland Saciid C/laahi Dani uu qaatay go’aan kala cadeynaya inuu aqbalay gogosha uu dhigay Madaxweynaha Soomaaliya ee loo magac daray shirka wada-tashiga qaran.

Sida aan xogta ku helnay Saciid Dani ayaa aqbalay ka qeyb-galka shirka wada-tashiga kadib cadaadis beesha Caalamka ay ku saartay inuu aqbalo shirkaasi.

Dowlada Somalia oo casuumaad rasmi ah u dirtay Saciid Dani ayaa ugu dambeyn xaqiijisay inuu Saciid Dani qeyb ka yahay shirkaani sida aan ku helnay warar ku dhaw dhaw arimahaani.

Ajandaha shirkaani uu gogoshiisa dhigay Madaxweyne Xassan ayaa lagu sheegay xalinta khilaafka iyo kala aragti duwaanshaha jira marka la eego Dowlada iyo qaar ka mida maamul Goboleedyada iyo waliba siyaasiyiinta mucaaradka.

Dhanka kale waxaan kala cadeyn in Dowladu martiqaaday Madaxweynaha Maamulka Jubaland Axmed Maxamed Islaam (Madoobe) oo Dowladu dhawaan u jartay waaran xarig ah,sidoo kalana ay jiraan dagaalo dhiig ku daatay oo dhex-maray Ciidamada Dowlada iyo kuwa Maamulka Jubaland.

Waxaa jira warar sheegaya in Dowladu dooneynba inuu Axmed madoobe ka qeybgalo shirka madaama uu eedeysane ka yahay dhankooda.

XAFIISKA WARARKA
DAYNIILE.COM

Wararkii ugu dambeeyay xasuuqa lagu hayo shacabka Gaza

April 22, 2025

Ciidamada Israel ayaa sii wada duqeymaha ay ka geysanayaan Gaza, iyagoo dilay ugu yaraan 28 falastiiniyiin ah tan iyo waaberigii, oo ay ku jiraan 11 qof oo ku dhintay Khan Younis.

Ciidamada Mareykanka ayaa sii wada weerarada ay ku hayaan dalka Yemen, kadib markii Xuutiyiinta ay sheegteen weeraro dheeraad ah oo ay ku qaadeen Israel iyo sidoo kale diyaaradaha xambaara ee Mareykanka ee ku sugan Badda Cas.

Falastiiniyiinta ku sugan Gaza ayaa ka baroor diiqaya geerida Pope Francis, kaasoo xiriir dhow oo joogto ah la lahaa bulshada Masiixiyiinta ah ee ku nool dhulka inta uu socday dagaalka.

Ugu yaraan 51,266 falastiiniyiin ah ayaa la xaqiijiyay in ay ku dhinteen 116,991 ay ku dhaawacmeen dagaalka Israa’iil ee Gaza tan iyo markii uu billowday 18 bilood ka hor.

Xafiiska Warbaahinta ee Xukuumadda Gaza ayaa tirada dhimashadeeda u cusboonaysiiyay in ka badan 61,700, isaga oo sheegay in kumannaan qof oo lagu la’yahay burburka hoostiisa loo malaynayo inay dhinteen.

Ugu yaraan 1,139 qof ayaa lagu dilay Israa’iil intii uu socday weeraradii ay Xamaas hoggaaminaysay 7-dii Oktoobar 2023, in ka badan 200 oo qofna waa la qafaashay.

SOURCE ALJAZEERA
XAFIISKA WARARKA
DAYNIILE.COM

Qarax khasaare nafeed geystay oo ka dhacay Degmada Dayniile

April 22, 2025

MUQDISHO (DAYNIILE.COM)-Wararka laga helaayo Degmad Dayniile ee Magaalada Muqdisho ayaa sheegaya in barqadi saaka u qarax dhimasho iyo dhaawacba gaystay ka dhacay nawaaxiga maqaayad dadku badan yihiin oo shaaha laga cabo iyo masaajid weyn caan ah oo lagu magacaabo Muumino Ceel-buur

Goobta qaraxa oo ahayd meel dadku ku badan yihiin waxaana la soo sheegayaa in qaraxu ahaa miino laga wada maqlay inta badan xaafadaha degmada Dayniile.

Warar madax banaan ayaa sheegaya inta la ogyahay in hal nin uu ku dhintay qaraxaasi iyo halka sedex kale oo haweeneey ay ku jirto ay ku dhaawacmeen kuwaasoo goobaha caafimaad loo qaaday.

Dhanka kale wali lama ogaan qaraxaasi cida ka dambeysa iyo ujeedka,sidoo kale ma jirto faah-faahin madax banaan ama masuul hadlay ilaa iminka.

XAFIISKA WARARKA
DAYNIILE.COM

Maxay ka wada hadleen Wasiirka Ganacsiga Somalia iyo Ra’iisulwasaaraha Jabuuti

April 22, 2025

Wasiirka Ganacsiga iyo Warshadaha ee Soomaaliya Maxamuud Aadan geesood oo kulan la qaatay Ra’iisul Wasaaraha Jabuuti, Mudane Cabdulqaadir Kamil Maxamed kadib booqasho uu ku tegey jabuuti.

Si loo xoojiyo xiriirka walaaltinimo iyo derisnimo ee qotada dheer ee u dhexeeya labada dal, kulanka Intii uu socday waxa looga hadlay xoojinta iskaashiga ganacsiga, iyagoo tilmaamay muhiimadda ay leedahay kor u qaadista isu socodka badeecadaha iyo maalgelinta ganacsiga.

Wasiirka Ganacsiga Soomaaliya ayaa uga mahadceliyay Ra’iisul Wasaaraha Jabuuti soo dhoweynta diirran iyo martigelinta, isagoo sheegay in booqashadani ay tahay tallaabo muhiim ah oo lagu xoojinayo iskaashiga ganacsi iyo istaraatiijiyadeed ee labada dal. May be an image of 2 people, dais and text

May be an image of 2 people, dais and text

May be an image of 3 people, dais and text

Dhaq-dhaqaaqyada Alshabaab ay ka wadaan deegaano ka tirsan Gobolka Sh.dhexe

April 22, 2025

Wararka laga helaayp Degmada Masaajid Cali Gaduud ayaa sheegaya in maleeshiyaadka kooxda Alshabaab inay isku urusanayaan deegaanka Towfiiq lagu magagaaco oo dhaca duleedka Magaaladaasi.

Dagaalamayaasha Alshabaab ayaa la soo sheegayaa inay qorsheynayaan inay weeraraan oo qabsadaan laba deegaan oo istaraatiiji u ah Ciidamada Dowlada Somalia kuwaasoo kala ah Wargaadhi iyo Nuur-Dugle waliba waxay aad u daneynayaan Wargaadhi oo ah taliska ugu weyn ee ciidamada Dowlada ee shaberelaha dhexe kadib qabasashadii Aadan Yabaal.

Maleeshiyaad badan oo ay meelo kala duwan ka soo urursheen ayay ku soo dhurayaan deegaanka Towfiiq oo ku dhaq Masaajid Cali Gaduud oo dhawaan ay ka qabsadeen ciidamada Dowlada Somalia iyo kuwa deegaanka.

Wararka ayaa intaasi ku daraya in ciidamada Xooga dalka ee ku sugan Wargaadhi ay badan yihiin islamarkaana ku filan inay iska difaacaan Alshabaab hadiiba weerar ka yimaado walow inta badan taageerayaasha Dowladu ku taliyaaan in Alshabaab laga hor tagointii maalo ama deegaan kasta lagu sugo iyadoo la ogyahay inay weerar soo yihiin.

Magaalada Aadan-Yabaal inteysan qabsan Alshabaab warbaahinta iyo baraha bulshada waxaa lagu baahiyay in Alshabaab weerar ku soo soo yihiin magaaladaasi islamarkaana ay u diyaar garoobeen sidii ay u qabsan lahaayeen waana dhacday ugu dambeyn.

XAFIISKA WARARKA
DAYNIILE.COM

C/raxmaan Cirro “khatarta ugu weyn ee Somaliland caqabada ku ah waa qabyaalada “

April 22, 2025

Madaxweynaha Maamulka Waqooyiga Somalia ee la baxay Somaliland C/raxmaan Maxamed C/laahi (Cirro) ayaa si kulul uga hadlay dhibaatada qabyaaladu ku heyso Maamulka Somaliland oo dhawaan uun loo doortay inuu hogaamiyo.

“Nasiib-darro, qabyaaladu maanta waa khatarta ugu weyn ee ay waajahayso dawlnimadeena casriga ahi”ayuu yiri C/raxmaan Ciiro.

Madaxweyne Ciiro wuxuu balan qaaday inuu ka shaqayn doonaa sidii loo xakamayn lahaa qabyaaladda.

“khatarta ugu weyn ee Somaliland caqabada ku ah xiligaan waa qabyaalada ” ayuu mar kale yiri Madaxweynaha Maamulka Somaliland

Hadalka Madaxweynaha Somaililand ayaa ku soo aadaya xili uu dar dar ku wado inuu maleeshiya beeleedyada miyiga uu qarameeyo iyaga iyo xitaa hubkooda oo ay ku jiraan gaadiid dagaal tan iyo markii loo doortay hogaanka mamulka Somaliland.

C/raxmaan Cirro wuxuu ku guuleystay inuu maamulkiisa ku soo biiro tikniko badan iyo maleeshiya beeleed boqolaal gaaraaya tan iyo markuu bilaabay mashruuca qaramaeynta.

XAFIISKA WARARKA
DAYNIILE.COM

Shacabka Dagmooyinka Waaberi, Xamar-Jajab iyo C/casiis oo maanta u dareeray is diiwaan-galinta doorashooyinka qof iyo cod+SAWIRRO

April 22, 2025

MUQDISHO (DAYNIILE.COM)-Shacabka Dagmooyinka Waaberi,Xamar-Jajab iyo C/casiis ee Gobolka Banaadir ayaa saaka u dareeray is diiwaan-galinta doorashooyinka qof iyo cod ee la rajeynayo in lagu soo dooro golaha deegaanka caasimada,gobolada ilaa madaxweyne Qaran.

Waxaa saaka la arkayaa shacaba Sedexda Degmo oo safaf dheer dheer ugu jira qaadashada kaararka wax lagu dooran doono insha Allaah,waxaana labada degmo u hadlay masuuliyintooda kuwaasoo ka war bixiyay sida ay saaka shacabkoodu u qaadanayaan kaarar cod bixinta.

Gudoomiyaha degmada Waaberi ayaa warbaahinta u sheegay inay maanta bilaabeen diiwaangelinta doorashooyinka qofd iyo cod.

“sidaad aragtaan shacabka Waaberi yar iyo wayn waxay u soo baxeen is diiwaangelinta,waxaana rajeynayaa in Waaberi noqon doonto Degnmada ugu laandheersan ee is diiwaan gelisa”ayuu yiri Gudoomiyaha Waaberi

Sidoo kale Gudoomiyaha Degmada Xamarjabab Ismaaciil Maxamed Xuseen ayaa wariyayaasha u sheegay in Shacabka degmadiisu ay xili hore isku diyaariyeen sidii ay isu diiwaangelin lahaayeen.

Gudoomiye ku xigeenka Degmada C/casiis ayaa saxaafada u sheegay in goobihii ay u qorsheyeen in shacabku iska diiwaan geliyaan aad loo buux dhaafiyay ,isagoona carabka ku adkeeyay inay raneynayaan in rere C/casiis noqdaan kuwa ugu fiican ee is diiwaan geliya.

XAFIISKAWARARKA
DAYNIILE.COM May be an image of 8 people and text

May be an image of 2 people, newsroom and text

May be an image of 1 person, headscarf, glasses, dais and hospital

May be an image of 4 people and newsroom

May be an image of 3 people, newsroom and dais

May be an image of 8 people and text that says "NIEB"

May be an image of 6 people, people studying and text

Xeer Ilaaliyaha Qaranka oo Hay’ad Caalami ah kala hadlay la dagaalanka Maalgelinta Argagixisada+SAWIRRO

April 22, 2025

May be an image of 6 people, people studying and suit Xeer Ilaaliyaha Guud ee Qaranka Dr Sulayman Maxamed Maxamuud ayaa maanta xafiiskiisa kulan la qaatay Saraakiil ka socotay Hay’adda GIST oo ka howl gasha Dalka Ingiriiska.

Kulanka ayaa ku saabsanaa sidii loo xoojinta lahaa la dagaalanka Maalgelinta Argagixisada, iyo xog is dhaafsi ku saabsan tabaha ay isticmaalaan argagixisadu marka ay timaado ilaha dhaqaalaha.

Xafiiska Xeer Ilaalinta Guud ee Qaranka waxaa ka go’an ciribtirka dhammaan danbiyada Maaliyadeed iyo Maalgelinta argagixsada oo dhibaato xoogan ku haya ummadda Soomaaliyeed. May be an image of 1 person and dais

May be an image of 1 person and newsroom

Wasiirka Maaliyadda oo Mareykanka uga qeybgalaya shir caalami ah+SAWIRRO

April 22, 2025

Wasiirka Maaliyadda Xukumadda Federal ka Soomaaliya Mudane Biixi Iimaan Cige iyo Wafdi uu hoggaaminayo ayaa gaaray magaalada Washington DC oo lagu qabanayo shirka xiliga Gu’ga 𝐒𝐩𝐫𝐢𝐧𝐠𝐌𝐞𝐞𝐭𝐢𝐧𝐠𝐬𝟐𝟎𝟐𝟓 ee IMF iyo Bangiga Adduunka.

Wafdiga Wasiirka oo ka kooban xubno matalaya xafiisyada Madaxweynaha iyo Ra’isul Wasaaraha, Wasaaradda Qorsheynta Qaranka, Bangiga Dhexe iyo Hey’adda Warbixinada Maaliyadda ayaa waxa ay kulamo gaar gaar ah la qaateen madax sare oo ka tirsan labada hey’adood ee shirka qabanaya ka hor inta aysan dhicin kulamada guud ee loo dhan yahay.

Kulamadaan horudhaca ah ayaa ujeedkoodu waxa uu daarranaa sidii Dowladda Soomaaliya ay miiska wada hadalada ula tagi laheyd qorsheyaal cad cad oo ku saleysan hannaanka dib-u-habeynta dhaqaalaha dalka iyo helidda fursada maalgalineed ee ay hey’adaha Caalamku bixiyaan si loo maalgaliyo ilaha dhaqaalaha dalka si loo kobciyo wax soo saarka gudaha.

Wasiirka Wasaaradda Maaliyadda XFS Mudane Biixi iImaan Cige ayaa sheegay in kulamadii horudhaca ahaa ee uu la qaatay Wakiilada IMF iyo Bangiga Adduunka in ay si guul ah ku soo dhamaadeen, haatanna ay isku diyaarinayaan ka qeyb galka fadhiyada guud oo lagu filayo in uu khudbado ka jeediyo Wasiirka. May be an image of 4 people and text

May be an image of 7 people, people studying and text

Shirka Madasha Arrimaha Bani’aadannimada Soomaaliya oo Gaalkacyo ka furmay+SAWIRRO

April 22, 2025

May be an image of 14 people, dais and text

Guddoomiyaha Hay’adda Maareynta Musiibooyinka (SoDMA), Maxamuud Macallin Cabdulle, ayaa maanta magaalada Gaalkacyo ee Dowlad Gobolleedka Galmudug ka daah-furay Shirka Madasha Arrimaha Bani’aadannimada Soomaaliya (CHF -2025) oo looga hadlayo xoojinta iskaashiga dhinacyada ka shaqeeya gargaarka, raadinta xal waara oo ku aaddan la qabsiga isbeddelka cimilada iyo xoojinta hannaanka gurmadka deg-degga ah.

Guddoomiyaha ayaa tilmaamay in Soomaaliya ay wajaheyso xaalad bani’aadannimo oo adag iyo dhibaatooyin is biirsaday, sida; roob yaridii Deyrta, is-raaca Guga oo aan rajo badan laga qabin iyo halista sii kordheysa La Nina goobaha qaar, taas oo si weyn u saameysay nolosha malaayiin qof. Wuxuu si gaar ah u xusay in dhibaatada ay uga sii darayaan xaaladaha barakaca, amni darrada, iyo yaraanta maalgelinta gargaarka.

Shirkaan waxaa ka qeybgalayo, Guddoomiyaha Hay’adda NIRA, Wasiirada Wasaaraha Gargaarka dowlad goboleedyada, gobolka Banaadir, Wasiiro ka tirsan Galmudug, maamulka gobolka Mudug, hay’addaha deeqaha bixiya, kuwa ka shaqeeya arrimaha Banii’aadanimada , iyo marti sharaf kale duwan. May be an image of 3 people, dais and text