Home Blog Page 19

Israa’iil oo shaacisay inay Gaza sii joogayaan xitaa hadii dagaalka uu dhamaado

QAZA (DAYNIILE.COM)-Milatariga Israa’iil ayaa sii jogi doona marinka Gaza sida uu sheegay  Wasiirkooda difaaca xitaa hadii dagaalku dhamaado.

Wasiirka wuxuu ku hanjabay inay aagag cusub sii qabsan doonaan oo dhulka reer falastiin,wuxuu si toos ah u tilmaamayaa inay awood isticmaalayaan islamarkaana ay israa’iil ka difaaci doonaan  gudaha dhula Gaza ee reer Falastiin.

Sidoo kale wuxuu ku faanayaa inay shacaba gaza ka celin doonaan gar-aarka oo si kastaba u cadaadin doonaan si Xamaas ay ugu qasbaan inay sii daayaan askarta Yuhuuda ay ka hayaan.

Xanibaadaan wuxuu wasiirku sheegay inay socon doonto lix asbuuc markaasoo ay Gaza ka hor istaagi doonaan in wax gar gaar ah la soo gaarsiiyo.

Qaramada Midoobay oo marka Yuhuuda iyo Mareykanka la eego afka uun inay ka hadlaan moojiye aan talaab kale qaadi karin  ayaa shaqadoodii ku soo koobmatay digniin oo kaliya.

Dhanka kale Wasaaradda caafimaadka ee Gaza ayaa laga soo xigtay  in tan iyo markii Yuhuudu bur buriyeen xabad joojinta 18-kii Maarso ee sanadkaan ay Yuhuudu dishay in ka badan 1,650 shacab ah oo u badan caruur iyo dumar.

XAFIISKA WARARKA
DAYNIILE.COM

Maxkamada Gobolka Banaadir oo baadi-goobeysa eedeysane loo heysto maalgelinta Alshabaab iyo danbiyo kale

Warqad ka soo baxday Maxkamada Gobolka Banaadir ayaa lagu baafinayaa ama looga yeerayaa maxkamada inuu horyimaado eedeysane lagu magacaabo C/shukuur Ciise Xasan Abtidoon.

Eedeysanahaan ayaa loo heystaa  sedex danbi oo kala ah inuu ka mid yahay koox hubeysan , inuu maal geliyay Alshabaab iyo eeda sadexaad oo ah  dhaqida lacagta madow oo koonarabaan ah.

haddaba halkaan ka akhriso warqada ka soo baxday maxkamada oo ku taariikheysan 15-4-2025:-
May be an image of textMay be an image of text that says "Sidaas darteed. waxaa lagu farayaa in aad dhowrtid wakhtiga Maxkamaddu ay kuu qabatay, haddii Maxkamadda ku hor imaan waysid muddada sare ku xusan. Maxkamaddu waxay qaadi doontaa habraaca ku xusan Qod. 128/B Xeer lambar. 84, 00 ah in ay qaadi doonto dacwadaada adiga 00 maqane ah. GOBOLKA Saalax MATSAMADDACTYBANAADR CIQAABT MAXSAMADDA GUDDOOMIYAHA"

Wasiir Fiqi oo jawaab culus ka bixiyay hadalkii Faysal Cali Waraabe

MUQDISHO (DAYNIILE.COM)-Wasiirka arimaha dibada Somalia Axmed Macalin Fiqi ayaa jawab culus ka bixiyay hadalkii maanta uu baraha bulshada ku soo qorey Faysal Cali Waraabe oo ka mida siyaasiyiinta reer Somaliland.

Faysal ayaa maanta si toos ah u taageeray kooxda Alshabaab sidii horaba loogu yaqaanay isagoona bogaadiyay guulaha alshabaab ay mararka qaar dagaalada ka gaarayaan.
Axmed Macalin Fiqi wuxuiu soo jeediyay in Faysal Cali Waraabe la geliyaa liiska argagaxisada islamarjaana la soo taago maxkamad.
“Waa garaad xumi hadalka uu ku hadaaqay, horay ayuu caruurtiisii ugu biiriyey ISIS Daacish” ayuu yiri Wasiir Fiqi
Sidoo kale wuxuu sheegay wasiirka in Faysal laftigiisu uu si toos ah ugu biiray kooxda Alshabaab.
“hore caruurtiisa ayuu daacish ugu daray haddana asagii ayaa Kooxda argagixisada Alshabaab ku mid noqday sidii ay ugu biireen  kuwa isaga  ka soo horeeyey”ayuu mar kale yiri Wasiir Fiqi
XAFIISKA WARARKA
DAYNIILE.COM

Fahad Yaasiin oo Madaxweyne Xasan laba kala daran kala dooran-siiyay  

Agaasinmihii hore ee Hay’ada Nabad sugida iyo sirdoonka Qaranka Fahad Yaasiin ayaa baraha bulshada soo geliyay qoraal uu cinwaan uga dhigay laba kala daran mid dooro.

Fahad Yaasiin qoraalkiisu toos ugu socdo Madaxweyne Xassan ayaa sidan u qornaa:-

 

May be an image of ‎2 people and ‎text that says "‎Fahad Yasin یاسين فهد @FahadBinYasin 26m LABA KALA DARAN MID DOORO Madaxweyne Xasan Sheekh waa inuu kala doortaa laba kala daran; inuu noqdo Madaxweynihii ugu dambeeyay ee Jamhuuriyada 3aad iyo noqdo Madaxweynihii ugu horreeyey ee tartanka ka hara, ATA aanan usoo gudbin wareega labaad ee doorashada. Tan hore, waa taariikh xun iyo dalkoo kala tagay. Waa magac xumo iyo maamus la'aan. Tan dambe, waa dalka oo dowlad leh, oo doorasho ka qabsoontay. Waa maamuus miisaaniyad leh iyo Mudane abadi ah. Mudane Madaxweyne. fadlan dantaada iyo danta dalka waxaad u doortaa wixii adiga iyo dalkaba roon.‎"‎‎

 

Arsenal iyo Inter oo u soo baxay seme-fiinaalaha Champions League

Kooxda Arsenal ayaa caawa mar labaad ka adkaatay kooxda real-madrid oo lugtii horana ay ka  badiyeen.

Kooxda Arsenal waxay Real-madrid ku martay 1-2 waliba dhamaadka ciyaarta daqiiqadaha lagu daray ayay arsenal heshay goolka labaad.

Dad badan oo saadaaliya ciyaaraha iyo taageerayaasha real-madrid ayaa aaminsanaa inay kooxdu sameyn karto caawa mucjiso ay Arsenal kaga badiso uguna soo baxdo seme-fiinalaha.

Sidoo kale Inter Milan ayaa iyadana bareejo 2-2 ah la gashay kooxda Byermunich sidaas ayayna ku soo baxeen seme-fiinalaha madaama ay lugtii hore guriga bayer-munich 1-2 uga soo badiyeen.

Si kastaba waxaa seme-fiinalaha kooxihu isugu aadeen sidan:-

Arsenal vs PSG

Barcelona vs Inter

XAFIISKA WARARKA CIYAARAHA
DAYNIILE.COM

 

Mohamed Salah oo Liverpool 10 kulan uga maqnaanaya hal sabab awgeed

XIGASHO LAACIB.NET

Kooxda Liverpool ayaa wajihi karta maqnaansho dheer oo uu Mohamed Salah kaga maqnaanayo safkooda xilli ciyaareedka soo socda, sababo la xiriira waajibaadka xulka qaranka Masar ee tartanka Koobka Qaramada Afrika.

Salah, oo toddobaadkii hore qalinka ku duugay heshiis cusub oo uu kooxda ku sii joogi doono ilaa 2027, ayaa wali ah mid muhiim u ah qorshaha tababare Arne Slot. Weeraryahanka reer Masar ayaa xilli ciyaareedkan ku jira qaab ciyaareed cajiib ah, isagoo dhaliyay 32 gool islamarkaana caawiyay 23 gool kale, 46 kulan oo uu u saftay tartamada oo dhan.

Si kastaba ha ahaatee, guulahaas lama hakin doono maqnaanshaha ciyaaryahanka marka la gaaro bilaha Janaayo iyo Febraayo ee sanadka 2026, marka uu billowdo Koobka Qaramada Afrika. Haddii Masar ay gaarto final-ka tartankaas, Salah ayaa seegi kara ugu yaraan 10 kulan oo muhiim ah oo Liverpool ah – tiradaas oo aad uga badan 5-tii kulan ee uu seegay xilli ciyaareedkii hore tartankii isla Koobka Afrika.

Maqnaanshaha Salah waxa uu dhaawac weyn ku noqon karaa rajada Liverpool ee hanashada horyaalka Premier League iyo guulo kale oo tartamada kale ah, maadaama uu yahay tiir-dhexaad weerarka kooxda. Waqtigaas ayaa sidoo kale noqon kara tijaabo adag oo ku saabsan qoto-dheeraanta kooxda iyo beddelka uu Slot heli karo.

Mohamed Salah Oo Liverpool 10 Kulan Uga Maqnaanaya Hal Sabab Aawgeed

DAAWO: Alshabaab oo markii ay qabsadeen Aadan Yabaal ku dhaqaaqeen fal cajiiba

AADAN-YABAAL (DAYNIILE.COM)-Kooxda Alshabaab ayaa maanta markii ay qabsadeen Magaalada Aadan Yabaal ee Gobolka Shabeelaha dhexe waxay ku dhaqaaqeen inay calanka Somalia dejiyaan islamarkaana kooda saaraan iyo fal kale oo la yaab lahaa.

Kooxdaa ayaa muuqaalka waxaa lagu arkay iyagoo jeex jeexaya sawirka Madaxweyne Xasan Sheekh oo surnaa aargada Degmada Aadan Yabaal,dagaal-yahanka sawirka jeex-jexaya wuxuu muuqaalka ku eedeynayaa Dowlada inay Magaalada dhac iyo boob ka wadeen,sidoo kalana ay diidan yihiin in sunada rasuulka NNKH sida uu sheegayo.

Dagaal saacado socday oo la isku riiqmay ayaa saaka dhexmaray ciidamada Dowlada iyo kuwa Alshabaab kaasoo ugu dambeyn keenay i9n alshabaab qabsadaan Magaaaldaasi oo laba sano ka hor laga saaray.

Saraakiisha Milateriga gaar ahaan taliyaha ciidamada xooga dalka oo dagaalka ku jirey wali kama hadlin sababta guul darada keentay iyadoo ciidamo badan ay magaalada ku sugnaayeen.

XAFIISKA WARARKA 
DAYNIILE.COM

Israa’iil oo sheegtay inay soo riday diyaarad hub u siday reer Gaza

War ka soo baxay Milateriga Isra’iil ayaa lagu shaaciyay inay soo rideen diyaarad aan duuliye lahayn oo hub u siday kooxda Xamaas e reer Falastiin.

Afhayeen u hadlay milatariga Israa’iil ayaa xusay in diyaaradaan drons-ka ah ay isku dayday hub si dhuumaalaysi ah uga soo galiso xadka Masar ee Israa’iil, islamarkaana ay u geyso Xamaas.

Sida ay baahisay wakaalada wararka AFP warka ka soo baxay milateriga Israa’iil ayaa lagu sheegay in diyaarada aan duuliyaha lahayn, laga helay afar hub ah iyo rasaas waxaana hubka lagu sameynayaa baaritaan.

Milateriga Israa’iil waxay sidoo kale ku faaneen inay hore uga hor tageen iskudayo la mid ah kan tan oo kale oo si qarsoodi ah hub loogu soo waday kooxda Xamaas ee reer Falastiin.

XAFIISKA WARARKA
DAYNIILE.COM

XOGTA : Madaxweyne Xassan oo qirtay in maanta looga adkaaday dagaalkii ka dhacay Aadan Yabaal

MUQDISHO (DAYNIILE.COM)-Madaxweynaha Soomaaliya ayaa ka hadlayay xiritaanka shirkii xuquuqul insaanka ee Muqdisho ka socday ayaa si la yaab leh oo aan hore looga baran wuxuu uga hadlay dagaalka Aadan Yabaal ee Alshabaabku ku qabsadeen magaaladaasi.
Madaxweynaha oo malaha diidanaa buun buuninta baraha bulshada ka socota ayaa wax caadi ah ka soo qaaday in dagaal marka uu dhaco qoloba mar meel laga qabsado.
Madaxweynaha wuxuu sheegay in labadii sano ee la soo dhaafay Dowladu waday guulo waa weyn iyo ka saarida degmooyin badan ee kooxda Alshabaab.
“ Labadii sano ee la soo dhaafay ayaan guuleysaneynay hadii ay dhacdo in hal mar nalaga guuleysto macnaheedu maaha ciidamadii ayaa kala tagay “

“goob dagaal maalinaa lagu riixaa maalinaad wax riixee , maalina waa lagaa adkaanaa maalina waa adkaanee , maalmo is daba socdaa lagaa adkaanaa sidoo kale maalmo is daba socdaa adkaanee” ayuu yiri Madaxweyne Xassan

“laba sano oo is daba tiilay ayaan adkaanay oo aan daba soconay marka mar marka qaarkood hadii nalaga adkaado oo nala soo daba kacaa taas macnahedu maaha dagaalkii waa lagu fashilmay”ayuu mar kale yiri Madaxweyne Xassan
Sidoo kale wuxuu dhaliilay siyaasiyiinta baraha bulshada ka sheega in Alshabaab adkaadeen kuwaasoo sheega in ciidamadii kala yaaceen islamarkaana jirin ciidan Soomaaliyeed .
“meesha waa la qabsaday aad leedahay sow askari maaheyn waxa laga qabsaday”ayuu yiri mar kale Madaxweyne Xassan.

Madaxweynaha wuxuu tilmaamay shacabka Soomaaliyeed inay isu qiimeeyaan imisa degmo iyo deegaan ayay ciidamada qaranku alshabaab ka saareen oo ay imisa ayay iyagu qabsadeen, wuxuu intaasi ku daray inay dadku xisaabtamaan oo xaqiiqada ay iyaga eegaan balse aan been lagu qufin.

“dadka soomaaliyeed waxaan leeyahay yaan la idin qaldin oo huuhaa iyo cabsi gelin la idnku sameyn” ayuu yiri Madaxweynaha qaranka Soomaaliyeed Dr.Xassan Sheekh Maxamuud
Dhanka wuxuu soo hadal qaaday warka maalmahaan danbe la hadal hayay ee ahaa in Alshabaab cunaqabateyntii ka qaadeen Bay iyo bakool oo deegaanada qaar oo ay kala xireen ayuu sheegay inaysan ka ahayn calool jileec balse ay dano ka leeyihiin.
XAFIISKA WARARKA
DAYNIILE.COM

Xamaas oo shuruud ku xirtay xabad joojin kasta oo ay la galayaan Israa’iil

QAZA (DAYNIILE.COM)-Sarkaal ka tirsan Xamaas ayaa sheegay in heshiis kasta oo xabad joojin ah oo Gaza laga gaaray ay tahay in ay ku jirto in Israa’iil ay gebi ahaanba ka baxdo Gaza.

Wasiirka difaaca Israel Katz ayaa sheegay in ciidamadu ay ku sii sugnaan doonaan goobaha laga qabsaday ee Gaza si aan xad lahayn, isaga oo ku tilmaamay “goobaha ammaanka”.

Waxa uu sidoo kale sheegay in wax gargaar ah aysan geli doonin Gaza, isaga oo intaa ku daray in Israa’iil ay cunnada u adeegsaneyso sidii qalab cadaadis ah oo ka dhan ah Xamaas iyadoo lagu baaqayo in la qaado go’doominta marinka.

Wasaaradda caafimaadka ee Gaza ayaa sheegtay in ugu yaraan 51,025 Falastiiniyiin ah la xaqiijiyay in ay dhinteen 116,343 kalena ay ku dhaawacmeen dagaalka Israa’iil ee Gaza tan iyo markii uu billowday 18 bilood ka hor.

Xafiiska warbaahinta ee xukuumadda Gaza ayaa cusboonaysiiyay dhimashadeeda in ka badan 61,700, isaga oo sheegay in kumannaan qof oo lagu la’yahay burburka hoostiisa loo malaynayo inay dhinteen. Ugu yaraan 1,139 qof ayaa lagu dilay Israa’iil intii uu socday weeraradii ay Xamaas hoggaaminaysay 7-dii Oktoobar 2023, in ka badan 200 oo qofna waa la qafaashay.

SOURCE ALJAZEERA
XAFIISKA WARARKA
DAYNIILE.COM

Relatives of the Palestinians killed in Israeli attack on a tent, mourn as the bodies are brought to Nasser Hospital in Khan Yunis, Gaza on April 16, 2025. ( Abed Rahim Khatib - Anadolu Agency )

1...181920...91Page 19 of 91
- Advertisement -

news

Weekly Meal Planner and Grocery List | Google Sheets Digital Template...

admin - 0
Weekly menu and shopping list | Digital model of Google sheets | Automated purchase list | Food preparation | Printable digital food planner Plan your...

eBooks Buy Fiction, Non-Fiction, and Textbooks Online

book store near me

Murf AI

Etsy – Shop for handmade, vintage, custom, and unique gifts

HOT NEWS

© warkii.com