Real Madrid oo ceyrineysa lix ciyaariyahan

April 17, 2025

XIGASHO LAACIB.NET

Real Madrid ayaa qorsheyneysa isbeddel weyn xilli ciyaareedka 2025 kadib markii la xaqiijiyay in illaa lix ciyaaryahan ay ka tagi doonaan kooxda, sida uu weriyay Radio MARCA.

Luka Modrić iyo Lucas Vázquez ayaa lagu wadaa in si sharaf leh loo macsalaameeyo. Modrić, oo 39 jir ah, ayaa la sheegayaa inuu xiiseynayo ku biirista kooxaha Qatar, halka Vázquez uu isna u muuqdo mid aan heshiis cusub heli doonin.

Sidoo kale difaacyada Ferland Mendy iyo David Alaba ayaa lagu daray liiska la filayo in la fasaxo, maadaama dhaawacyo isdaba-joog ah ay hoos u dhigeen waxqabadkooda.

Weeraryahanka Rodrygo Goes, oo xiiso ka helaya Premier League, ayaa noqon kara mid la iibiyo si loo furo boos cusub oo weerarka ah. Arda Güler isna waxaa laga yaabaa in la amaahiyo ama la iibiyo si uu waqti ciyaareed u helo.

Isbeddelkan ayaa qayb ka ah qorshaha Real Madrid ee lagu yareynayo da’da kooxda, laguna dhisayo jiil cusub. Waxaa la filayaa in xagaagan lagu arko saxiixyo cusub iyo wajiyaal cusub oo beddelaya kuwa la macsalaamayo.

Kooxdu waxay dooneysaa in ay sii ahaato mid tartan adag la gasha kooxaha waaweyn ee Yurub.

Bukayo Saka oo qiimeeyay fursadaha Arsenal ee ku guuleysiga Champions League kadib guushii Real Madrid

April 17, 2025

=XIGASHO LAACIB.NET =

Garabka Arsenal, Bukayo Saka, ayaa taageeray kooxdiisa Gunners inay ku guuleysan karto koobka Champions League xilli ciyaareedkan.

Saka wuxuu hadalkaan jeediyay kadib markii uu ku hoggaamiyay Arsenal guushii ay ka gaareen Real Madrid kulankii lugta labaad ee wareega siddeed dhammaadka Champions League Arbacadii.

Ciyaaryahanka reer England, oo rigooro ka khasaariyay ciyaartaas, ayaa furay goolasha qeybtii labaad isagoo u dhaliyay goolka koowaad ee martida.

Xiddiga kale ee Arsenal, Gabriel Martinelli, ayaa isna dhaliyay gool kale, waxeyna ciyaarta ku dhammaatay 2-1 oo ay ku badisay Arsenal garoonka Santiago Bernabeu.

Arsenal ayaa u soo baxday afar dhammaadka iyadoo ku guuleysatay wadarta labadii lugood 5-1, maadaama ay lugtii hore ku badisay 3-0 garoonka Emirates.

Kooxda uu hoggaamiyo Mikel Arteta ayaa hadda la ciyaari doonta Paris Saint-Germain wareega afar dhammaadka Champions League dhammaadka bishaan.

Saka wuxuu yiri intii lagu guda jiray wareysi ciyaarta kadib:

“Waxaan garaaci karnaa kooxaha ugu fiican Yurub gurigeena iyo meel kasta, waad arkaysaan taas,”

“Waxaan jeclahay inaan aaminno in aan ku guuleysan karno Champions League. Waxaan qabaa inaan kari karno.”

XOGTA: Wasiir Fiqi oo ka carooday hadal ATMIS ay ku taageereen Alshabaab iyo hanjabaad uu u direy ninka xukuma Atmis”

April 17, 2025

MUQDISHO (DAYNIILE.COM)-Wasiirka arimaha dibada Somalia Axmed Maxamed Macalin Fiqi ayaa ka carooday hadal ATMIS ka soo yeeray kaasoo u muuqday inay ku taageerayaan Alshabaab.

Wasiir Fiqi ayaa si toos ah oo aan leex leexad lahayn wuxuu ugu janjabay ninka hada heysta ama xukuma howlgalka Atmis ee saldhigooda ugu weyni yahay xerada xalane oo ku dhagan Garoonka diyaaradaha Adan Abudlle internatinal Airport ee Magaalada Muqdisho.

Wasiir Fiqi wuxuu shaaciyay in xalane qoloda joogta isku jiraan oo ay bogaadinayaan Dowladaha iyo Hay’adaha Somalia taageera sida dhaqaalaha iyo hubka laakiin wuxuu xusay inay jiraan kuwo been faafiya oo alshabaab dacaayadaha u faafiya.

“waxaa jira kuwo mushaar u soo doontay somalia oo been faafiya kuwaasoo dhaya Alshabaabkii dabeecadihii bay iska badaleen oo sida dowladnimo ayay u dhaqmaan oo dadka ma dilaan, cadaadiskii waa joojiyeen,cunaqabateyntii waa qaadeen”ayuu yiri Wasiir Fiqi oo ula jeeday kuwa howlgalka Atmis magacooda ku jooga.

“waxa saas u hadlaya waxaa ka mid ah Ninka hada hogaamiya Atmis ee ah ku xigeenka ninka u sareeya balse hada ku simaha u ah, koleey Talaabo ayay Dowladu ka qaadi doontaa”ayuu mar kale yiri Wasiir Fiqi

Sidoo kale Wasiir Fiqi wuxuu kashifay in ninkaan Atmis hada heysta uu shalay oo u danbeysay warbixino u kala gudbinayay UN-ka.

” warbixinada uu qorey waan arkeynay oo wasaarada arimaha dibada ayaa hada gacanta ku heysa”ayuu yiri Wasiir Fiqi oo carabka ku adkeeyay inay talaabo ka qaadi doonto Dowladu.

“sida aan u leenahay raga anaga nala dhashay oo ahaa madaxdeenii hore sida Ra’iisulwasaarayaal iyo madaxweynayaal hore aan isaga celino ayaan isaga celineynaa oo nin ajanabi ah haduu afka nala soo galo isagana waa iska celineynaa loo aamusi maayo”ayuu yiri Wasiir Fiqi

Wasiirka oo ka hadlayay shirkii Beelaha Hawiye ayaa ku soo gabagabeeyay warkiisa inay Alshabaab dagaal la galayaan sidaas oo kalana kuwa afkooda ku hadlana dagaalka la galayaan.

XAFIISKA WARARKA
DAYNIILE.COM

Faah-faahinta Doomankii hubka u waday Alshabaab ee la bur-buriyay

April 17, 2025

Sida warbixinadii maanta aan idnku ku sheegnay si horu dhac ah in dooman hub u siday Alshabaab la burburiyay ayaa waxaa ka soo baxaya warar dheeraad ah.

Howlgalkaan ayaa dhacay doraad balse maanta ayay Dowladu shaacisay waxaana iska kaashaday howlgalka Taliska Mareykanka ee Afrika (AFRICOM) kaashanayay Dowladda Federaalka Soomaaliya.

Wararku waxay tilmaamayaan duqeymo dhanka cirka ah lagu beegsaday doon aan calan lahayn alshabaab u waday hub casri ah iyo waliba dooni caawineysay oo la socotay.

Mareykanka Taliskooda Afrika oo ka hadlay howlgalka wuxuu sheegay inay ka hor tageen falal amni daro oo lidi ku ahaa amniga somalia iyo kan guud ahaan tan gobolka sidoo kale doomanka la burburiyay waxay lidi iyo dhibaato ku ahaayeen saaxiibada caalamiga ah.

Sidoo kale wararka laga helayo howlgalka wuxuu intaasi ku darayaa in howlgalkaani sidoo kale lagu dilay dadkii doomanka la socday xili dad shacabana aysan wax khasaare ah ka soo gaarin.

Warka Mareykanka inkastoo ay ku cadeeyeen inay duqeyn xaga cirka ah ku burburiyeen doomanka Alshabaab u siday hubka hadana ma aysan sheegin halka uu howlgalka ka dhacay ma bada somalia mise meel ka baxsan.

Dhanka kale Dowlada Somalia waxay soo dhaweysay howlgalka Mareykanku la beegsaday hubka alshabaab loo soo waday.

XAFIISKA WARARKA
DAYNIILE.COM

Maamulka Somaliland oo Ra’iisulwasaare Xamse ku eedeeyay Dagaal maanta ka dhacay Gobolka Sanaag

April 17, 2025

kadib dagaal maanta ka dhacay deegaano ka tirsan Gobolka Sanaad ee ay isku ayaan maamukada Somaliland iyo SSC Khaatumo ayaa waxaa si kulul uga hadlay masuul ka tirsan Maamulka Somaliland.

Masuulkaan oo ah Gudoomiyaha Gobolka Sanaag ee dhanka Somaliland ayaa ku eedeeyay dagaalkaasi inuu ka dambeeyo Ra’iisulwasaaraha Soomaaliya Xamsa Cabdi-Bare.

Qoraal uu qorey Guddoomiyaha gobolka Sanaag garabka Maamulka Somaliland Axmed Cabdi Muuse (Isdeber) ayaa sidan u qornaa:-

Kooxaha Nabadiidka ah ayaa weerar maanta waxay kusoo qadeen fadhiisimaha hore ee Ciidamada Qaranka Jamhuuriyadda Somaliland Gaar ahaana Taliska Dhuurmadare ee Koonfurta Gobolka Sanaag waxana ay ciidmaada Qaranku ay udhigeen Cashar lama ilawaan ah kuwaasi oo laga Qabtay Tirro Maxaabiis ah iyo Gadiidka Gaashaaman ee dagaalka ay wateen.

Nabadgelyada darada kooxahan waxa masuul ka ah Raisul wasaaraha dawlada taagta daran ee Somaaliya Xamse Cabdi Barre iyo Xukumadiisa oo Safar Nabadgelyo darro ah kuyimi dhulka Somaliland kaas oo ay maanta fariintiisii Fuliyeen , taas oo uu ku carqaladaynayaan Nabadaynta dadka oodwadaag ta ah ee aan marna kala maarmi karin .

Ka dowlad ahaan waanu ku filan nahay Difaaca dhulkeeda,marnaba gor gortan cidna kala gelimayso jiritaankeeda iyo ilaalinta Madax banaanideeda dhuleed JSL

Amni darrada dhuleed ee ay wadaan iyo dulaanka Gardarada ah waa uga digaynaa cawaaqib ka Dhashana masuuliyadiisa waxa qaadaya maamulka Xamar.

Guddoomiyaha gobolka Sanaag

Axmed Cabdi Muuse (Isdeber) May be an image of 1 person and newsroom

Alshabaab isasoo dhiibay “Fu’aad Shoongolle isagoo noo sheegaya inaan jano galeyno ayaa hoobiye soo dhacay isagii ayaana cararay”

April 17, 2025

MUQDISHO (DAYNIILE.COM)-Alshabaab Dowlada isku soo dhiibay ayaa ka sheekeeyay qiso dhacday mar hoobiyayaal ay ku soo dhaceen goob uu hadalo ka jeedinayay Fu’aad Shoongolle.

Dagaalamahaan Alshabaabka ka yimid ayaa wareysi Dowladu la yeelay ku sheegay in Fu’aad Shoongolle uu cararay xili uu dagaalamayaasha u sheegayay inay jano galayaan.

“Fu’aad Shoongolle isagoo noo sheegaya inaan jano galeyno ayaa hoobiye soo dhacay isagii ayaana cararay” ayuu yiri dagaalamaha alshabaab ka soo goostay.

Hadaba wareysiga oo dhameystiran halkaan ka daawo:-

Wasiirka Difaaca oo ka hadlay Alshabaabkii lagu laayay Daynuunaay

April 17, 2025

May be an image of 1 person, dais and text that says "OUT OUTGOI GOI INCOMIN NDIN"

Wasiirka Wasaaradda Gaashaandhigga Soomaaliya Mudane Jibriil Cabdirashiid Xaaji ayaa ku bogaadiyay Ciidamada Xoogga dalka Soomaaliyeed, guulaha muhiimka ah ee ay ka gaareen dagaalka Khawaarijta, si gaar ah howlgalkii guuleystay ee Ciidanka Xoogga Dalka Soomaaliyeed iyo kuwa Daraawiishta Koonfur Galbeed ay ku dileen ku dhawaad 40 Dhagarqabe oo Khawaarijta ka tirsan iyo Horjooge Ajanebi ah, kaasi oo ka dhacay Tuulada Burujeed ee duleedka deegaanka Daynuunaay ee Gobolka Baay

” Waxaan ku bogaadinayaa Ciidanka Xoogga Dalka Soomaaliyeed iyo Daraawiishta Koonfur Galbeed howlgalka guuleystay ee ay ku naafeeyeen cadawga khawaarijta ee ka dhacay Degaanka Burujeed ee duleedka deegaanka Daynuunay ee Gobolka Baay, kaasi oo ahaa mid ka marqaati kacaya diyaar garwaga Ciidanka iyo bulshada iyo in la gaaray dhammaadka Kooxaha Khawaarijta ah ee dhibaatada xooggan ku haya shacabka Soomaaliyeed “.

Wasiirka ayaa Alle u weydiiyay naxariistiisa ballaaran halyeeyadii ku naf waayay dagaalka xaqa ee Khawaarijta, isaga oo bogsiino dagdag ah u rajeeyay kuwa ku dhaawacmay.

Ugu dambayn, Wasiirka ayaa ugu baaqay guud ahaan shacabka Soomaliyeed in si hagar la’aan ah u garab istaagaan Ciidamada naftooda u huraya in dalkeena ay ka xoreeyaan cadwga arxanka daran ee in muddo ah gumaadka ku hayay shacabkeena, isla markaana hortaagan in aan nabad iyo xasilooni ku noolaano.

Dowlada Somalia oo ka qeybgashay shirka Wasiirada Carabta+SAWIRO

April 17, 2025

Wasiiru Dawlaha Wasaaradda Deegaanka & Isbeddelka Cimilada JFS, Mudane Axmed Cumar Maxamed ayaa ka qayb galay 𝐊𝐚𝐥𝐟𝐚𝐝𝐡𝐢𝐠𝐚 𝟒-𝐚𝐚𝐝 ee Golaha Wasiirada Carabta ee mas’uulka ka ah Saadaasha Hawada iyo Cimilada. Kulankan oo ka dhacay Xarunta Jaamacadda Carabta ee Qaahira ee Dalka Masar, ayaa ahaa mid muhiim u ah iskaashiga wadamada Carabta si loo wajaho caqabadaha cimilada iyo deegaanka.

Shirkan waxa uu xoogga saarayay baahida iskaashiga Carabta si loo xoojiyo Saadasha hawada ee wadamada carabta.

Wasiir Axmed Cumar oo ka jeediyay qudbad madashasm ayaa sheegay sida ay muhiim u tahay in wadamada Carabtu ay wadaagaan xogta saadasha cimilada si loo badbaadiyo nolosha iyo hantida bulshooyinka. May be an image of 1 person, dais and text

May be an image of 1 person, dais and text

May be an image of 3 people, dais and text

Taliska Booliiska oo maanta yeeshay shirkii amniga looga hadlayay+SAWIRRO

April 17, 2025

Taliyaha Ciidanka Booliiska Soomaaliyeed Sarreeye Guuto Asad Cismaan Cabdullaahi ayaa shir guddoomiyay kulanka Hoggaanada iyo qeybaha Booliiska oo Todobaadkan diiradda lagu saaray xoojinta amniga dalka si looga hortago falalka lidka ku ah ammaanka ee Khawaariijtu damacsan yihiin in Magaalooyinka oo Caasimadda Dalka ku jirto ka gaystaan si ay isaga yareeyaan culeyska Ciidan ee ku haysta furimaha Dagaalka.

Saraakiisha Ammaanka ayuu Taliyuhu uga mahadceliyey gudashada waajibaadka shaqo ee saaran, waxaana uu ku amray in sarkaal walba oo masuuliyadi saaran tahay shaqadiisa laba jibaaro wada shaqeynta dhexdoodana la xoojiyo si looga fogaado daldalool kasta oo carqalad ku noqon kara sugidda Amniga iyo wada shaqeynta Laamaha ammaanka . May be an image of 1 person, newsroom, dais and text

May be an image of 1 person, newsroom, dais and text

May be an image of 4 people, dais and text

May be an image of 5 people, dais and text

May be an image of 8 people, dais and text

May be an image of 2 people, dais and text that says '宮 ርቲር CO n'

Madaxweynaha K/galbeed oo booqday furimaha dagaalka kadib guushii maanta +SAWIRRO

April 17, 2025

Madaxweynaha Dowlad Goboleedka Koonfur Galbeed, Mudane Cabdicasiis Xasan Maxamed (Laftagareen), ayaa maanta dhiirigelin iyo bogaadin ugu tegay cutubyo ka tirsan Ciidanka Xoogga Dalka Soomaaliyeed iyo Daraawiishta Koonfur Galbeed, kuwaas oo ku sugan furimaha dagaalka.

Booqashada Madaxweynaha ayaa dhacday kadib howlgal ka hortag ah oo ay saakay fuliyeen ciidamada, kaasi oo looga hortagay weerar ay Khawaarijtu isku dayeen inay kusoo qaadaan tuulada Burajeed oo ku taalla duleedka degaanka Daynuunay. Ciidamada ayaa si geesinimo leh uga hortagay weerarkaasi, waxayna halkaas ku dileen in ka badan 35 dhagarqabe oo ka tirsanaa kooxda Khawaarijta, oo uu ku jiray horjooge ajaanib ah.

Meydka Khawaarijta la dilay ayaa maanta lagu soo bandhigay gudaha magaalada Baydhabo, si shacabka loo tuso guulaha laga gaaray la dagaallanka cadowga iyo sida ay ciidamada ugu taagan yihiin difaaca deegaannadooda.

Madaxweyne Laftagareen ayaa ciidamada ku bogaadiyey sida ay naftooda ugu hureen difaaca dalka, wuxuuna sheegay in dowlad goboleedka Koonfur Galbeed ay sii kordhin doonto taageerada ay siiso ciidamada si loo xaqiijiyo amniga guud ee gobollada.