Home Warkii Muxuu ku saabsan yahay shirka maanta ay yeelanayaan Garsoorka, Xeer-Ilaalinta iyo Booliska?

Muxuu ku saabsan yahay shirka maanta ay yeelanayaan Garsoorka, Xeer-Ilaalinta iyo Booliska?

Guddoomiyaha Maxkamadda Sare ee dalka Baashe Yuusuf Axmed ayaa shir guddoomiya kulan weyne ay maanta yeelanayaan Garsoorka, Xeer-Ilaalinta iyo Ciidanka Booliska Soomaaliyeed.

Kulanka waxaa ka qeyb gelaya Xeer Ilaaliyaha Guud ee Qaranka Dr. Suleymaan Maxamed Maxamuud, Guddoomiyayaasha Maxkamadaha Rafcaanka iyo Gobolka Banaadir Saalax Cali Maxamuud Dabaan iyo Saciid Cali Maxamed, Taliyaha Ciidanka Booliska Soomaaliyeed S/Guuto Sulub Axmed Firin iyo Taliyaha Guud ee Booliska Gobolka Banaadir G/sare Mahdi Cumar Muumin.

Kulankaan waxaa looga hadlayaa wadashaqeynta dhinacyada, iskaashiga iyo sidii loo xoojin lahaa hanaanka wada shaqeynta Ciidanka Booliska Soomaaliyeed iyo Hey’adaha Cadaaladda.