HomeCiyaarahaMikel Arteta oo farriin bahdilaad ah u diray Real Madrid ka hor...

Mikel Arteta oo farriin bahdilaad ah u diray Real Madrid ka hor kulanka adag ee Champions League

XIGASHO LAACIB.NET

Tababaraha kooxda Arsenal, Mikel Arteta, ayaa si cad u sheegay in ciyaarta ugu muhiimsan ee kooxdiisu ay wajaheyso xilligan aysan ahayn kulanka Champions League ee Real Madrid, balse ay tahay tan horyaalka Premier League ee Everton.

Arteta oo la hadlayay warbaahinta ka hor kulanka Everton ayaa yiri:

“Taasi waa khalad. Ciyaarta ugu weyn ee noo taalla waa Everton. Habka ugu wanaagsan ee aan isugu diyaarin karno Real Madrid waa inaan garaacno Everton.”

Hadalkan ayaa muujinaya sida uu tababaruhu u doonayo in kooxdiisu ay diiradda u saarto hal kulan mar, halkii ay xooga ka saari lahaayeen kulanka weyn ee Yurub. Inkastoo Real Madrid ay tahay koox weyn oo ay adag tahay in la iska indho tiro, hadana Arteta wuxuu aaminsan yahay in guul laga gaaro Everton ay sare u qaadi karto kalsoonida ciyaartoydiisa.

Arteta ayaa sidoo kale muujiyay xiriirka shucuureed ee uu la leeyahay kooxda Everton oo uu hore ugu soo ciyaaray lix sano. Wuxuu yiri:

“Waa koox aan xiriir gaar ah la leeyahay, waana meel aan waqti fiican ku qaatay. Laakiin maanta waxaan ahay tababaraha Arsenal, waana inaan guuleysanaa.”

Arsenal ayaa safar u aadeysa garoonka Goodison Park si ay ula ciyaaraan Everton, garoon ay ku dhibtoonaayeen sanadihii la soo dhaafay. Guushoodii ugu dambeysay halkaas waxay ahayd 2017. Tababare Arteta ayaa rajeynaya inuu jaro rikoodhkaas una sii diyaar garoobo kulanka Real Madrid iyadoo kooxdu ay xambaarsan tahay guul muhiim ah.

Arsenal ayaa markaa wajahaysa laba kulan oo adag – mid gudaha ah iyo mid caalami ah – laakiin tababarahooda wuxuu diiradda saarayaa midka ugu horreeya, isagoo aaminsan in guushu ay ka bilaabato gudaha dalka.

Mikel Arteta Oo Farriin Bahdilaad Ah U Diray Real Madrid Ka Hor Kulanka Adag Ee Champions League

RELATED ARTICLES

LEAVE A REPLY

Please enter your comment!
Please enter your name here

- Advertisment -

Smart Phone

Google Pixel 9

Samsung Galaxy S25 Ultra

OnePlus13

Samsung Galaxy Z Fold 6

- Advertisment -