CABUD-WAAQB(DAYNIILE.COM)-Wararka laga helaayo Gobolka Galga-gaduud ee Maamulka Galmudug ayaa sheegaya in Maxkamada Gobolkaasi maanta dil qisaas ah ku fulisay nin hore Magaalada Cabud-waaq ugu dilay nin kale oo deegaanka ahaa 9-8-2024.
Gacan ku dhiig-laha maanta la qisaasay waxaa lagu magacaabi jirey Dalaal Maxamed Xaashi kaasoo horay Caabudwaaq ugu dilay Cali-najax Cabdul Faarax dhamaantood rabi ha u naxariistee.
Dalaal waxaa loo ogolaaday inuu salaad suno ah tukado daqiiqado ka hor intaan la toogan
Garsoore Axmed Aadan Cilmi ayaa goobta toogashada ka sheegay in 13-8-2024 Maxkamada Gal-gaduud dil toogasho ku xukuntay Dalaal Maxamed Xaashi oo 34 jir ah taasoo ah qisaasta Cali-najax Cabdul Faarax si waafaqsan sharciga Islaamka.
Garsooruhu wuxuu xusay in maanta oo 15-8-2024 ay Maxkamadu fulisay dilaasi qisaasta u ahaa marxuum Cali-najax Cabdul Faarax waliba meel fagaare ah.
Taliyaha Saldhiga Booliiska Magaalada Cabdud-waaq Cabdi Shukri Tuuraaye ayaa isna goobta ka sheegay inay diyaar u yihiin soo qabashada qof kasta oo dil gaysta.
“waxaa xaqiiq ah muwaadinkii qof si kas ah u dila in tiirka la geyn doono,shacabkana waxaan leenahay sidaad noola shaqeysaan mar kasta noola sii shaqeeya”ayuu yiri Taliyuhu.
XAFIISKA WARARKA
DAYNIILE.COM
DAYNIILE.COM
Advertisement
