Taliyaha Ciidanka Boliiska Soomaaliyeed, S/Guuto Asad Cusmaan Cabdullaahi, ayaa shir guddoomiyay kulan deg-deg ah oo ay kasoo qeybgaleen Taliye Xigeenada Ciidanka Boliiska Soomaaliyeed, dhammaan Taliyaasha Hoggaannada, Qeybaha iyo Fadhiyada Madaxbannaan. Kulankan ayaa diiradda lagu saaray adkeynta amniga gudaha dalka, gaar ahaan kan caasimadda.
Taliyaha ayaa faray saraakiisha kuna bixiyay amar in la dardargeliyo arrimaha lagu sugaayo amniga gudaha Jamhuuriyadda Federaalka Soomaaliya isagoo si cad u sheegay in qof kasta mas’uuliyadda loo igmaday lagala xisaabtami doono, gaar ahaan sugidda amniga caasimadda iyo xasiloonida guud ee Dalka.
Advertisement
