MUQDISHO (DAYNIILE.COM)-Waxaa soo baxaya warar sheegaya in hay’adaha amniga ee Dowlada Somalia ay digniino ka bixiyeen suurtagalnimada in Alshabaab berito oo sabti ah qaraxyo ka geystaan Muqdisho.
Meelaha sida gaarka ah digniintu ugu socoto waxaa lagu sheegay goobaha dadka badan isugu yimaadaan.
Sidoo kale Digniintaan waxay ku soo aadeysaa xili berito Degmooyinka Hodan iyo Kaaraan ay u balansan yihiin qaadashada kaararka cod bixinta doorashooyinka qof iyo cod gaar ahaan tan deegaanka Gobolka banaadir.
Wariyayaasha caanka ka ah baraha bulshada qaarkood ayaa caawa xayaysiin hab beeleed ku saleyaan waxay u sameynayan kaar qaadashada beri iyagoo ka dhigaya in labada degmo ay ku tartamayaan labada beelood ee ugu badan Muqdisho.
Safaf dhaadheer ayaa lagu wadaa inay galaan shacabka labadaas Degmo hadii aanay dowladu u baajin sababo amni
XAFIISKA WARARKA
DAYNIILE.COM
