LAAS-CAANOOD (DAYNIILE.COM)-Wararka laga helaayo Magaalada Laas-caanood ee Xarunta Maamulka SSC Khaatumo ayaa sheegaya in la dilay Faarax Caydiid Jaamac oo ka mid ahaa saraakiisha ka shaqeysa Qunsuliyada dowladda Itoobiya ee magaalada Garoowe.
Kooxaha dilay ninkaan ayaa la soo sheegayaa inay xalay kala baxeen gurigiisa oo ku yaala Magaalada Laas-caanood ugu danbeyna waxaa maanta meydkiisa laga helay degaanka Goojacadde ee duleedka Magaalada Laas-caanood.
Wararka ayaa intaasi ku daraya in ka hor intaan nafta la dhaafin in la jir dilay Faarax Caydiid Jaamac Allaha u naxariistee.
Mamaulka SSC-Khaatumo wali kama hadlin dilkaan iyo su’aalaha ku xeeran sida cida ka danbeysa iyo ujeedka loo dilay intaba.
XAFIISKA WARARKA
DAYNIILE.COM
DAYNIILE.COM
