War ka soo baxay Mareykanka ayay ku shaaciyeen inay saraakiil daacish ku dileen duqeymihii ay29-kii bishaan ka fuliyeen buuraha Calmiskaad ee Gobolka Bari ee maamulka Puntland.
Taliska AFRICOM waxay xuseen inay si weyn u bartilmaameedsadeen daacish islamarkana uusan jirin wax dhibaato ah oo shacabka ka soo gaaray.
“si weyn ayaa loo wiiqay kooxda awooda kooxda daacish ee ku dhuumaaleysanaya buuraha Gobiolka Bari Somalia Puntland”ayaa lagu yiri warka ka soo baxay Taliska Mareykanka ee AFRICOM.
Taliska Marekanka ee AFRICOM wuxuu cadeeyay in talaabo kasta oo ay qaadaan ay isla kaashtaan Dowlada Faderaalka Soomaaliya.
“Ciidamada Qalabka sida ee Dowlada Somalia iyo Mareykanka oo si weheshanaya waxay sii wadi doonaan talaabooyinka lagu wiiqayo kooxda Daacish,sidoo kale waxaan ka hortageynaa fulinta weerarada kooxda daacish”ayaa lagu yiri warka ka soo baxay Taliska Mareykanka ee Afrika sida ay sheegtay idaacada Kulmiye.
Taliska Mareykanka ugu dambeyn wuxuu balan qaaday inay faahfaahinta weerarkaani iyo khasaaraha rasmiga ah ee Daacish ay gaarsiiyeen inay dib ka soo sheegi doonaan.
XAFIISKA WARARKA
DAYNIILE.COM
