JILIB (DAYNIILE.COM)-Ciidamada Cirka Somalia ayaa xalay markii labaad waxay duqeyn u geysteen Magaalada Jilib ee Gobolka Jubada dhexe sidoo kalana ah xarunta ugu weyn ee Kooxda Alshabaab islamarkaana ay ku sugan yihiin madaxdooda.
Diyaaradaha Dagaalka ee Dowlada Somalia ayaa dhowr bartimaameed waxay ku garaaceen gantaalo walow aan wali faahfaahin laga helin dhanka Dowlada Somalia.
Duqeyntii hore waxay keentay in qaar ka mida odayaasha Alshabaab iyo xitaa shacab ay ka cabtaan duqeymahaasi iyagoo xusay in mid ka mida gantaalada uu ku dhacay suuqa Jilib islamarkaana uu dab ka kacay uu bas beeliyay in badan oo suuqa ka mida.
Hay’adaha amniga Dowlada ayaa lagu wadaa inay war ka soo saaraan duqeymaha ,meelaha lala eegtay iyo khasaaraha ka dhashay gaar ahaan hadii ay jiraan saraakiil alshabaab oo lagu beegsadayintaba.
XAFIISKA WARARKA
DAYNIILE.COM
