MUQDISHO (DAYNIILE.COM)-Madaxweynaha Soomaaliya Xassan Sheekh Maxamuud ayaa madaxtooyada ku qaabilay Ra’iisul Wasaarihii hore Cabdi Faarax Shirdoon Saacid hadana ah musharax u taagan xilka Madaxweynaha Soomaaiya marka doorashooyinka la gaaro.
War ka soo baxay Villa Somalia oo lagu baahiyay kulankaani ayaa ujeedka shirka waxay ku sifeeyeen la-tashiyada qaran ee uu Madaxweynuhu la qaadanayo waxgaradka, masuuliyiinta iyo haldoorka bulshada Soomaaliyeed.
Sidoo kale Madaxtooyada waxay xustay in Madaxweynuhu kala hadlay Cabdi-Faarax Shirdoon xoojinta dowlad-dhiska Soomaaliy iyo guud ahaan xaalada dalku xiligaan ku sugan yahay.
Waxay sidoo kale isla soo qaadeen muhiimadda dagaalka ka dhanka ah argagixisada iyo garab istaagga Ciidamada qalabka sida sida lagu cadeeyay warbixinta Villa Somalia.
DAYNIILE.COM
