Madaxweynaha Jamhuuriyadda Federaalka Soomaaliya Mudane Xasan Sheekh Maxamuud oo xalay ku hoyday jiidaha hore ee dagaalka ka dhanka ah Al-shabaab ayaa kulan kula qaatay degmada Moqokori ee Gobolka Hiiraan hoggaanka Hirshabeelle iyo saraakiisha ciidamada hormuudka u ah howlgallada xoreynta dalka.
Madaxweyne Xassan ayaa ka xogwareystay Madaxweyne Kuxigeenka Hirshabeelle iyo Hoggaanka ciidamada jiidda hore, guulaha iyo caqabadaha jira, iyagoo soo bandhigay sida ay ciidamada u dhiirri-gelinayso in Madaxweynihii Qaranka uu kula sugan yahay furinta dagaalka, si dhowna ula socdo guulaha, baahiyaha iyo geesinimada Ciidanka Soomaaliyeed.
Madaxweyne Xasan ayaa shalay ku tagay Hiiraan diyaaradaha qumaatiga u kaca ee ciidamada Cirka Somalia.
Advertisement
