Madaxweynaha Somaliland oo magacaabay Gudiga qaban qaabada xuska 18-ka May

Madaxweynaha Jamhuuriyadda Somaliland, Mudane Cabdiraxmaan Maxamed Cabdillaahi (Cirro) waxa uu maanta oo ay taariikhdu tahay 02/04/2025 uu wareegto Madaxweyne oo summadeedu tahay JSL/XM/G/083-071/042025 ku soo saarey Magacaabista Guddiga Qaran ee Agaasinka iyo Qabanqaabada Xuska 18-ka May 2025.

Waxaanay u dhignayd Wareegtada Madaxweynuhu Sidan:-

𝐔𝐣𝐞𝐞𝐝𝐝𝐨: 𝐌𝐚𝐠𝐚𝐜𝐚𝐚𝐛𝐢𝐬𝐭𝐚 𝐆𝐮𝐝𝐝𝐢𝐠𝐚 𝐐𝐚𝐫𝐚𝐧 𝐞𝐞 𝐀𝐠𝐚𝐚𝐬𝐢𝐧𝐤𝐚 𝐢𝐲𝐨 𝐐𝐚𝐛𝐚𝐧𝐪𝐚𝐚𝐛𝐚𝐝𝐚 𝐗𝐮𝐬𝐤𝐚 𝟏𝟖-𝐤𝐚 𝐌𝐚𝐲 𝟐𝟎𝟐𝟓.

𝐌𝐚𝐫𝐤𝐢𝐢 𝐚𝐚𝐧 𝐭𝐢𝐱𝐠𝐞𝐥𝐢𝐲𝐞𝐲:

Muhiimadda maalinta Qaran ee 18-ka May u leedahay shacabka Jamhuuriyadda Somaliland, iyo doorka ay maalintaasi ku leedahay xoojinta midnimada, madax-bannaanida, iyo sumcadda caalamiga ah ee Qaranka Jamhuuriyadda Somaliland.

𝐌𝐚𝐫𝐤𝐢𝐢 𝐚𝐚𝐧 𝐚𝐫𝐤𝐚𝐲:

In sannadkan 2025-ka uu yahay sannadkii ugu horreeyey ee ay Xukuumadda WADAJIR iyo WAXQABAD xilka hayso, isla markaana loo baahan yahay fursaddan in si heer qaran ah loo abaabulo si loo muujiyo heerka horumarka iyo koboca Qaranka Jamhuuriyadda Somaliland.

𝐌𝐚𝐫𝐤𝐢𝐢 𝐚𝐚𝐧 𝐪𝐢𝐢𝐦𝐞𝐞𝐲𝐞𝐲:

Baahida loo qabo in si xirfad leh, abaabulan, oo wadajir ah loo agaasimo looguna diyaar garoobo xuska 18-ka May, isla markaana la sameeyo hannaan isku dubbaridan oo ay qayb ka yihiin dhammaan heerarka dawladda iyo qaybaha kala duwan ee bulshada reer Somaliland ee ku nool gudaha dalka iyo dibeddiisaba.

𝐌𝐚𝐫𝐤𝐢𝐢 𝐚𝐲 𝐢𝐢 𝐦𝐮𝐮𝐪𝐚𝐭𝐚𝐲:

In loo baahan yahay Guddi Qaran oo si toos ah ugu xilsaaran Agaasinka iyo Qabanqaabada Xuska 18-ka May 2025, iyo in wada shaqaynta heer Qaran ay muhiim u tahay guusha munaasabaddan.

Waxa aan mas’uuliyiintan hoos ku xusan u magacaabayaa in ay noqdaan Guddiga Qaran ee Agaasinka iyo Qabanqaabada Xuska 18-ka May 2025, oo ka kooban sidatan:

1. Wasiirka Wasaaradda Arrimaha Gudaha & Amniga – Guddoomiye

2. Wasiirka Wasaaradda Warfaafinta, Dhaqanka & Wacyigelinta – G/Kuxigeen

3. Wasiirka Wasaaradda Madaxtooyada Jamhuuriyadda Somaliland- Xoghaye

4. Wasiirka Wasaaradda Waxbarashada, Barbaarinta & Sayniska – Xubin

5. Wasiirka Wasaaradda Duulista, Hawada & Horumarinta Madaarada – Xubin

6. Wasiirka Wasaaradda Shaqada, Arrimaha Bulshada & Qoyska – Xubin

7. Wasiirka Wasaaradda Horumarinta Maalgashiga & Wershadaha- Xubin

8. Guddoomiyaha Gobolka Maroodijeex – Xubin

9. Duqa Caasimadda Hargeysa – Xubin

Sidaas darteed, waxaa la farayaa in mas’uuliyiintan ay xil gaar ah iska saaraan agaasinka iyo qabanqaabada xuska 18-ka May, sida oo kale waxaan farayaa dhammaan maamullada gobollada, degmooyinka, hay’adaha dawladda, iyo cid kasta oo ay khusayso in ay si buuxda ula shaqeeyaan guddigan, kana qayb qaataan qabanqaabada maalinta qaran ee 18-ka May si waafaqsan qorshaha iyo jihada uu dejiyo guddigu.

𝐀𝐥𝐥𝐚𝐚 𝐌𝐚𝐡𝐚𝐝 𝐋𝐞𝐡

________________________________________

𝐂𝐚𝐛𝐝𝐢𝐫𝐚𝐱𝐦𝐚𝐚𝐧 𝐌𝐚𝐱𝐚𝐦𝐞𝐝 𝐂𝐚𝐛𝐝𝐢𝐥𝐥𝐚𝐚𝐡𝐢 (𝐂𝐢𝐫𝐫𝐨)

𝐌𝐚𝐝𝐚𝐱𝐰𝐞𝐲𝐧𝐚𝐡𝐚 𝐉𝐚𝐦𝐡𝐮𝐮𝐫𝐢𝐲𝐚𝐝𝐝𝐚 𝐒𝐨𝐦𝐚𝐥𝐢𝐥𝐚𝐧𝐝