Madaxweynaha Hirshabelle oo safar shaqo ku tagay Degmada Cali Guduud+SAWIRRO

Maamulka, dhaqanka, wax-garadka, haweenka, kooxaha hiddaha iyo dhaqanka, iyo bulshada degmada Cali Gaduud ayaa shalay galab si wadajir ah u soo dhaweeyay wafdi uu hoggaaminayay Madaxweynaha Dowladda Hirshabeelle Mudane Cali Cabdullaahi Xuseen (Cali Guudlaawe).

Arrintan ayaa qeyb ka ah socdaal uu ku dardargelinayay Madaxweynaha Dowladda Hirshabeelle mashaariicda sii dhammaaneyso iyo kuwa cusub ee laga wado degmooyinka qaar.

Fannaaniinta Iqra Happy, Xuseen Nuurriyoow iyo Xayir Rooble ayaa goobta ka qaaday suugaanta dadka lagu madadaalinayay.

Madaxweynaha ayaa sidoo kale kulan bulsho la qaatay shacabka degmada Cali Gaduud.

“Waan ka mahadcelinayaa soo dhaweynta aan lagu kala maqneyn. Farxad weyn ayay ii tahay xorreyntii kaddib inaan imaado Cali Gaduud oo degmo ah.”

Degmada Cali Gaduud ayaa ka mid ah degmooyinka awoodda looga saaray Khawaarijta haddana waxa ay cagta saartay waddada horumarka.

DHAMMAAD

Wixii faah-faahin ah kala xiriir

Agaasimaha Warfaafinta iyo Xiriirka Bulshada Madaxtooyadda

Maxamed Shuuriye Nuur

Director.communication@hirshabelle.gov.so