MUQDISHO (DAYNIILE.COM)-Masuul ka tirsan Madaxtooyada Villa Somalia ayaa markii ugu horeyay sharaxaad kooban ka bixiyay sida ay noqon doonto gogosha uu dhigay Madaxweynaha Soomaaliya iyo cida lagu casuumayo.
La taliyaha arimaha dastuurka ee Madaxweyne Xassan masuulka lagu magacaabo Xuseen Sheekh Maxamuud ayaa sheegay inuu socdo kulamo wada-tashi ah oo ku saabsan sida uu u qabsoomi lahaa shirka ama gogosha Madaxweyne Xassan ku dhawaaqay.
La taliyaha wuxuu cadeeyay shirka uu maanta Madaxweynuhu la qaadanayo Madaxda Maamul Goboleedyada Galmudug,Hirshabelle iyo Koofur-Galbeed inuu qeyb ka yahay la tashiga ku saabsan shirka madaxweynuhu iclaamiyay.
Sidoo kale La-taliye Xuseen Sheekh Maxamuud wuxuu cadeeyay in Madaxweyne Xassan uu wacay oo teelka uu kula hadlay qaar ka mida Madaxweynayashii dalka soo xukumay inkastoo uusan magacyadooda sheegin balse waxaa loo qaadan karaa Farmaajo iyo Shariiif madaama madaxweynihii ka sii horeeyay AUN C/laahi Yuusuf uu hore u geeriyooday.
Xuseen Sheekh Maxamuud wuxuu soo hadal qaaday cida la casuumi doono isagoo u kala qaaday ururada Bulshada iyo siyaasiyiin uu ka xusay madaxdii dalka soo xukuntay iyo madaxda Maamul Goboleedyada Soomaaliya inkastoo madaxtooyadu wali liis soo saarin.
Hadal heynta bulshada ayaa ahayd yaa siyaasi ah yaa u qalma in lagu casuumo shirka ,yaa mucaarad muuqda ah balse labada daraf uu la taliyaha sheegay sida Madaxda Maamul Goboleedyada iyo madaxdii dalka soo maamushay labaaasi awalba waa iska cadeyd inay saami qeybsiga ku jiraan, kaliya la taliyaha wuxuu soo kordhiyay in ururada bulshada ay ku jiraan qeybaha la casuumi doono.
XAFIISKA WARARKA
DAYNIILE.COM
