MUQDISHO (DAYNIILE.COM)-Howl gal ay sameeyeen ciidamada ka hortaga maandooriyaha ee Maamulka G/banaadir ayaa lagu soo qabtay maandooriyaal fara badan.
Howlgalkaan oo saacadihii ugu dambeeyay laga sameeyay Degmada Boondheere ee Gobolka Banaadir ayaa ula jeedkiisu ahaay ciribtirka maandooriyaha nuucyadiisa kala dugan.
Waxaa howlgalkaan hogaaminaayay Gashaanle Sharma’arke Caddow tuuryare oo ah taliyaha howlgelinta iyo dib u habeynta ciidanka ilaalinta degaanka ahna taliyaha ciidamada ka hortaga maandooriyaha iyo anshax-xumida.
Waxaa kaloo qeyb ka ahaay howlgalkaan ciidamada booliska degmooyinka Boondheere iyo Warta-nabadda oo ay horkacayeen gudoomiyayaasha degmooyinkaasi.
Maandooriyayaasha la soo qabtay ayaa waxaa ka mid ahaay, taabuu, shiishad, sharoobooyin iyo daraamadool,waxaana laga soo qabtay goobo ganacsi oo si qarsoodi ah loogu iibinaayay.
XAFIISKA WARARKA
DAYNIILE.COM
