DAYNIILE.COM (DAYNIILE.COM)-Ciidamada Xoogga Dalka gaar ahaan kuwa Kumaandooska Danab ayaa maanta weerar xooggan ku qaaday Alshabaabka heysta Degmada Masaajid Cali-Guduud ee Gobolka Shabeelaha dhexe waxaana socda dagaal aad u qaraar.
Wararka horu dhaca ah ayaa sheegaya in durba Alshabaab laga riixay inta badan Degmadaasi balse ay wali ku harsan yihiin qeybo ka mida Degmada Masaajid Cali Guduud oo maalmihii ugu dambeeyay ay ka qoteen dhufeysyo waaweyn.
Ciidamada Danab oo qaaday weerar qorsheysan ayaa la soo sheegayaa inay ka go’an tahay inay gacanta Dowlada Somalia ku soo celiyaan Degmaaasi oo hada la isku heysto gacan ku heynteeda inkastoo xabadu socoto.
Faah-faahino lagama hayo khasaaraha ilaa iminka kala gaaray ciidamada kumaandooska Danab oo leh tababar aad u sareeya iyo dagaal-yahanada Kooxda Alshabaab.
XAFIISKA WARARKA
DAYNIILE.COM
