Kulanka ayaa looga hadlay arrimo ay ka mid yihiin fursadaha Ganacsiga iyo Maalgashiga, u hoggaansanaanta canshuuraha iyo arrimo kale.
Madaxweyne ku xigeenka Koonfurta Suudaan Dr. Benjamin Bol Mel ayaa qiray kaalinta ay bulshada Soomaaliyeed ka geysanayaan dhaqaalaha Koonfurta Suudaan, gaar ahaan dhinacyada ganacsiga, Waxaa uu sheegay in Ganacsatada Soomaaliyeed la siiyo maalgelinta Beeraha.
Madaxeyne ku xigeenka Koonfurta Suudaan ayaa tilmaamay sida ay dowladdiisa uga go’an tahay inay kordhiso maalgelinta waaxda Beeraha si wax looga qabto loona kobciyo sugnaanta cuntada, kobaca dhaqaalaha iyo horumarinta reer miyiga.
Waxaa uu Ganacsatada Soomaaliyeed u ballanqaaday inay Xukuumaddiisa garab istaagi doonto, isla markaana ay ilaalinayaan dhammaan maalgashiga iyo hawlaha ganacsi ee sharciga ah.
