WAJEER (DAYNIILE.COM)-Waxaa Maxkamad la soo taagay Magaalada Wajeer ee dhulka Soomaalida kenya kooxo loo heysto inay ka dambeeyaan dilka gabar Soomaaliyeed oo 17 jir ahayd.
Gabadhaan oo magaceeda la oran jirey Gacala Aadan ayaa waxaa todobaadkii la soo dhaafay lagu dilay magaalada Wajeer ee Gobolka Waqiyi Bari-Kenya, waliba si xun ayaa loo dilay kadibna meydkeeda ayaa dab la sii qabadsiiyay.
Maxkamad ku taalla magaalada Wajeer ayaa bilowda dhageysiga ragaan loo heysto dilka oo iyaha laftigoodu Soomaali ah dhamaantood,arinta la yaabka ah ayaa in gabdaha la dilay Ninkeeda uu ka mid yahay kuwa maxkamada la soo taagay ee loo heysto dilka inay fuliyee
Inkastoo Maxkamada la isugu tagay hadana wararkii ugu dambeeyay waxay sheegayaan dhageysiga kiiskaani dib loogu dhigay 14 maalmood kadib codsi ka yimid qareenada u doodaya eedeysaneyaasha.
Shacabka ,waxgaradka iyo siyaasiyiinta reer Wajeer ayaa dhamaantood codsanaya in ciqaabtooda la marsiiyo kuwii ka dambeeyay dilkaasi arxan dadarada ahaa.
XAFIISKA WARARKA
DAYNIILE.COM
