Wararka ka imaanaya Dalka Itoobiya ayaa sheegaya in Jabhada Amxaarada ee Faano ay qaaday talaabo halisteeda leh oo dhabar jab ku ah Dowlada Itoobiya ee uu hogaamiyo Ra’iisulwasaare Abiye Axmed.
Sarkaal sare oo ka tirsan Jabhada Amxaarada ee Faano islamarkaana hore uga tirsanaa Dowlada Itoobiya ayaa ku dhawaaqay inay markii ugu horeysay xiriir la sameysan doonaan Dalka Eriteria.
Wuxuu beeniyay warar dhanka Itoobiya ka yimid oo ku eedeynaya inay ka bar bar dagaalamayaan oo la joogaan ciidamo Ereteriyaan ah kuwaasoo kala jooga gobolada ay jabahada Faano ku lug leedahay.
Sarkaalkaan wuxuu sidoo kale sheegay inay xiriir la sameysan doonaan Jabhada Tigreega ee isla dalooda Itoobiya kuwaasoo dagaalo ba’an la galeen ciidamada Dowlada Itoobiya.
Talaabadaan ayaa hadii ay ku dhaqaaqaan Jabhada Amxaaradu waxay dhabar jab halis ah ku tahay Dowlada Itoobiya ee uu hogaamiyo Abiye Axmed.
XAFIISKA WARARKA
DAYNIILE.COM
