Ciidamada Israel ayaa duqeymo xoogan ku haya Isbitaalka Baptist ee magaalada Gaza, maalmo kadib markii ay weerareen oo dab qabadsiiyeen Isbitaalka Kamaal Adwan ee magaalada Beit Lahiya. Milateriga ayaa xaqiijiyay inay 240 qof ku xireen weerarka.
Kooxaha gargaarka caalamiga ah ayaa ugu baaqay Israa’iil inay si degdeg ah u sii deyso Dr Hussam Abu Safiya, oo ah agaasimaha Kamaal Adwan, kaas oo la xiray intii uu socday weerarkii Jimcihii.
Ciidamada Israa’iil ayaa sii wada duqeymaha ay ka geysanayaan koonfurta Lubnaan, taasi oo jebisay xabad joojintii ay la heshiiyeen Xisbullah bishii hore.
Dagaalka Israa’iil ee Qaza waxa uu dilay ugu yaraan 45,484 falastiiniyiin ah, waxaana ku dhaawacmay 108,090 tan iyo Oktoobar 7, 2023. Ugu yaraan 1,139 qof ayaa lagu dilay Israa’iil intii lagu jiray weerarradii ay Xamaas hoggaaminaysay maalintaas, in ka badan 200 oo qofna waa la qafaashay
