Ali al-Batran oo hal bil jir ah ayaa u dhintay xanuunka hypothermia oo ku jira Isbitaalka Martyrs ee Gaza ee Al-Aqsa maalin kadib markii walaalkii oo mataano ahaa uu isla sababtaas u dhintay, sida ay ku warantay wakaalada wararka ee Wafa.
CNN ayaa ku warantay in Dr Hussam Abu Safiya, oo ah agaasimaha cisbitaalka Kamaal Adwan lagu hayo saldhigga ciidamada Sde Teiman ka dib markii la xiray Jimcihii markii ciidamada Israel ay weerareen isbitaalka oo ay dab qabadsiiyeen.
Ciidamada Israel ayaa sii wada duqeymaha ay ku hayaan Qaza maalin kadib weeraro ay ku dhinteen 30 qof oo ay ku jiraan todobo qof oo lagu weeraray isbitaalka al-Wafaa ee magaalada Gaza. Sidoo kale waxaa la duqeeyay Isbitaalka Ahli oo ka agdhawaa halkaasi.
Dagaalka Israa’iil ee Qaza waxa uu dilay ugu yaraan 45,541 falastiiniyiin ah iyo dhaawaca 108,338 tan iyo Oktoobar 7, 2023. Ugu yaraan 1,139 qof ayaa lagu dilay Israa’iil intii lagu jiray weerarradii ay Xamaas hoggaaminaysay maalintaas, in ka badan 200 oo qofna waa la qafaashay.
