MUQDISHO (DAYNIILE.COM)-Waxaa Maanta kulan wada-tashi ah yeeshay
Guddoonka labada Gole ee Baarlamaanka Federaalka Soomaaliya xili bilahaan danbe aysan wax kulamo ah yeelan oo fasax ay ku jireen.
Gudoonka labada Aqal waxay ka arrinsadeen dardar galinta howlaha shaqo ee Baarlamaanka iyo furitaanka Kalfadhiga 5-aad oo ay horyaalaan shuruuc badan oo aas-aas u ah dowladnimada.
Kulankaan waxaa fadhiyay Gudoomiyaha Golaha Shacabka Aadan Madoobe iyo sidoo kale xubnaha kale waxaana lagu lafa gurey sida ugu dhaqsiyaha badan in shaqadii baarlamaanka la dar dargeliyo islamarkaana loo diyaar garoobo furitaanka Kalfadhiga 5-aad.
Shirkaan oo sidoo kale ay goob joog ahayaane hab-dhowraha Golaha Shacabka Xildhibaan Maxamed Cabdullaahi Xasan iyo xoghayaha guud ee Aqalka Sare Cabdinaasir Ibraahim Guuleed waxaa uu ku soo aadayaa xili kalfadhigii hore si weyn looga dooday looguna ansixiyay qodono dhowr ah oo ku saabsan dhameystirka Dastuurka.
Advertisement
XAFIISKA WARARKA
DAYNIILE.COM
DAYNIILE.COM
Advertisement
