XIGASHO LAACIB.NET
Halyeeyga kooxda Manchester United, Gary Neville, ayaa shaaciyay saadaashiisa kulanka Premier League ee kooxdiisii hore ay la ciyaari doonto Manchester City.
Manchester United ayaa Axadda ku martigelin doonta kooxda City garoonka Old Trafford, kulan ka tirsan derbiga Manchester ee horyaalka Ingiriiska.
Kooxda uu hoggaamiyo Ruben Amorim waxay kulanka soo gelaysaa iyagoo talaadadii guuldarro 1-0 kala soo kulmay Nottingham Forest.
Isagoo ka hadlayay barnaamijka The Overlap, Neville wuxuu yiri:
“United si fiican ayey u ciyaartaa kulamada waa weyn, miyaanay ahayn?
Kulamadii ay la ciyaareen Arsenal, Liverpool iyo Man City xilli ciyaareedkan, waxay ahaayeen kuwo wanaagsan.”
“Waxaan u maleynayaa in kulanka Axadda uu noqon karo barbaro. Waxaan u saadaaliyay 1-1, laakiin aniga iyo Jamie Carragher waxaan dhihi karnaa 2-2.”
Manchester United ayaa haatan ku jirta kaalinta 13-aad ee Premier League, iyagoo leh 37 dhibcood 30 kulan oo ay ciyaareen.
