KISMAAYO (DAYNIILE.COM)-Sida uu bartiisa Facebook ku shaaciyay wariye Catoosh waxaa goor dhaw garoonka diyaaradaha Kismaayo diyaarad laga soo saaray askar Dowlada ka tirsan oo ku dhaawacmay dagaalkii shalay ka dhacay Raaskan-booni.
Ciidamadaan dhaawacyada qaba ayaa xalay dooman looga soo qaaday Raaskan-booni waxaana lagu soo gaarsiiyay Kismaayo.
Maamulka Jubaland ayaa askartaasi u soo direy Magaalada Muqdisho kuwaasoo loo maleynayo inay qabaan dhaawacyo daran madaama isbitaalada Kismaayo ay yaalaan askar kale oo isla Raaskan-booni ku dhaawacmeen.
Diyaaradaan lagu soo qaaday askarta Dowlada Somalia ee dhaawacyada qaba oo tiradooda lagu sheegay sedex askari ayaa lagu wadaa inay goor dhaw isla galabta ah soo caga dhigato garoonka diyaaradaha Muqdisho.
XAFIISKA WARARKA
DAYNIILE.COM
