MUQDISHO (DAYNIILE.COM)-Allaha u naxariistee Gashanle sare Nuur Maxamed Gaabow (Nuur Farey) oo dhawaan lagu dilay Gobolka Shabeelaha hoose ayaa maanta salaada janaadsada lagula dukaday masjidka isbaheysiga Islaamka ee Magaalada Muqdisho.
Sarkaalkaan oo ahaa Taliyihii Guutada 14-ka Oktobar ayaa waxaa dhawaan duleedka Afgooye gaadmo ku dilay askari Dowlada ka tirsan oo lagu eedeeyay inuu Alshabaab la shaqeynayay inkastoo ay Alshabaabku gabi ahaanba iska fogeeyeen inay wax lug ah ku leeyihiin dilka sarkaalkaasi.
Masuuliyiin labada Gole ee Dowlada Somalia ka tirsan ,saraakiil ciidan iyo waliba qeybaha kala duwan ee askarata ayaa ka qeybgalay salaada janaasada oo lagu tukaday Masjidka Isbahaysiga Islaamka.
XAFIISKA WARARKA
DAYNIILE.COM
