Agaasimihii hore ee sirdoonka qaranka Somalia Fahad Yaasiin ayaa qoraal uu ku soo bandhigay baraha bulshada wuxuu kaga digay in Madaxweynaha Soomaaliya Xassan Sheekh uu aqbalo codsiga Madaxweynaha Jabuuti Ismaaciil Cumar Geelle.
“Madaxda qaranka waxaan uga digaynaa iney ogolaadaan codsiga Dowladda Jabuuti ee ku dhisan culayska iga dulqaad, oo adiga eedda qaado” ayuu ku yiri qoraalkiisa Fahad Yaasiin
“Dowladaha xorta ah madaxa banaan marnaba ma aqbalaan in dalkooda loo adeegsado hardan dagaal oo aysan qeyb ka ahayn”ayuu mar kale yiri Fahad Yaasiin.
Dhanka kale Fahad Yaasiin ma cadeyn codsiga jabuuti laakiin wuxuu ku hanjabay inuu bulshada usoo bandhigi doono haduu Madaxweyne Xassan aqbalo codsiga Jabuuti.
Ugu dambeyn qoraalkiisa wuxuu ku soo gabagabeeyay Fahad Yaasiin “FARIINTAAN WAXAA FAHMAYA MADAXDA QARANKA hadiise la fuliyo odsigaasi (Alle kama dhigee) Ummada Soomaaliyeed kolkaas bay wada fahmi doonaan waxa aan ka hadlayo, mana doonayo inaan ka sii hordhaco anigoo rajo ka qaba inuu caqligu shaqeeyo”