RIYADH (DAYNIILE.COM)-Dowlada Sacuudiga ayaa amar dul dhigtay muslimiinta dooneysa inay sanadkaan axcmaasha xajka soo gutaan iyagoona u digay cid kasta oo amaradooda dhinac marta.
Wasaaradda Xajka iyo Cumrada ee dalka Sacuudi Carabiya ayaa fartay qof kasta oo doonaya xajka sanadkan (1446 AH) inay qasab ku tahay nay heystaan fiisaha kaasoo ay ka dalban doonaan barta Nusuk iyadoo la marayo hannaanka mideysan ee casriga ah ee bixinta fiisaha Xajka kaasoo lagu magacaabo Tasriix.
Wasaarada Xajka waxay adkeyneysaa in loo hogaansamo awaamiirtooda si loo ilaaliyo nidaamka iyo amniga gudashada xajka.
Wasaaradu waxay ka digeysaa in la isku qaldo Viisaha dal ku galka caadiga ah iyo viisaha u qaaska ah Xajka,iyagoo tusaale u soo qaatay inay jiraan dad u fahmay in lagu soo xaji karo fiisaha caadiga ah ee Sacuudiga,waxaana la ogol yahay kaliya Viisaha Xajka.
XAFIISKA WARARKA
DAYNIILE.COM
