Howlgal sifeyn ah oo maanta ay fuliyeen Ciidanka Xoogga Dalka Soomaaliyeed ayaa lagu dilay in ka badan 10 maleeshiyaad iyo horjoogayaal ah oo ka tirsanaa Khawaarijta, iyadoo tiro intaas ka badan lagu dhaawacay howlgalka, sida uu Warbaahinta Qaranka u sheegay Afhayeenka Wasaaradda Gaashaandhigga XFS Sheekh Abuukar Maxamed Xasan oo ku sugan furimaha dagaalka ee gobolka Shabeellaha Hoose.
Howlgalka ayaa maanta ka dhacay deegaanka Nuur-Gare oo u dhow deegaanka Bariire ee Gobolka Shabeellaha Hoose, waxaana gobolkaas ka socda howlgallo ka dhan ah Khawaarijta ku dhuumaaleysata deegaanada fog-fog ee Sh/Hoose.
Advertisement
Ciidamada Xoogga Dalka ayaa shalay ku guuleystay inay Khawaarijta ka soo badbaadiyaan ku dhowaad 20 gaari oo madax-furasho u heysteen iyo sidoo kale waxaa jira dhagarqabayaal lagu qabtay howlgalka ka socda Sh/Hoose, sida uu sheegay Afhayeenka Wasaaradda Gaashaandhigga Soomaaliya.
XIGASHO WARBAAHINTA QARANKA
Advertisement
