Hoggaanka isku xirka shacabka iyo Ciidanka Xoogga Dalka Soomaaliyeed Ee CIMIC oo ay horkacayso madaxa Hoggaanka G/sare iiman Maxamuud Cali ayaa soo agaasimay munaasibad hadiyado lagu siinayo qaar kamida agoonta shuhadada ciidanka xoogga dalka soomaaliyeed , si ay dhiiri gelin iyo garab istaag ugu noqoto hooyooyinka korinaya agoontaas .
Munaasabadan oo lagu qabtay safaarada walaalaha turkiga ayaa waxaa ka soo qayb galay Taliye Xigeenka Ciidanka Xoogga Dalka Soomaaliyeed Gen Madeey Sheekh Nuur Ufuroow, Safiirka Safaarada , iyo masuuliyiin kale , iyagoo bogaadiyay sida Taliska Ciidanka Xoogga Dalka Soomaaliyeed masuuliyada balaaran isaga saaray ka warqabka iyo xanaanaynta agoonta ciidanka xoogga dalka soomaaliyeed iyagoo sidoo kale tilmaamay ineey arintani dhiireglinayso geesiyaasha weli nool ee dagaal ka kula jira arxan laawayaasha khawaarijta.
Hoggaanka isku xirka shacabka iyo Ciidanka Xoogga Dalka Soomaaliyeed Ee CIMIC ayaa dhowr jeer ku guulaystay qabashada munaasibado lagu garab istaagayo agoonta ciidanka xoogga dalka soomaaliyeed, iyadoo sidoo kale hoggaanku wado qorshaha diwaan gelinta agoonta ciidanka xoogga dalka soomaaliyed iyo in loo sameeyo ,xarumo waxbarasho iyo caafimaad.
