Af-hayeenka Wasaarada Gaashaandhiga Somalia Sheekh Abuukar ayaa ka war bixiyay howlgalo dhulka iyo cirka isugu jira oo ka dhan ah kooxda Alshabaab kuwaasoo dhamaantood ka dhacay gobolka shabeelaha dhexe.
Sheekh Abuukar wuxuu sheegay in ciidamada Xooga oo kaashanaya kuwa deegaanka ay weerar ku qaadeen deegaanka Tawakal oo ku dhaw Degmada Aadan Yabaal halkaasoo sida uu sheegay ay isku urursanayeen kooxda Alshabaab.
Sarkaalkaan wuxuu sheegay in weerarkaasi jab xoogan lagu gaarsiiyay dagaalamayaashii Alshabaab ka tirsanaa.
Sidoo kale mar uu ka hadlayay duqeyn dhanka cirka ah oo laga fuliyay deegaanka sumadaale ayuu sheegay in lagu dilay ilaa 60 ka tirsanaa kooxda alshabaab,afhayeenka wuxuu intaasi ku daray in dadka deegaanku ay la wadaageen tiradaasi oo ah khasaaraha soo gaaray alshabaab .
Deegaanka Towfiiq oo ku dhaw Degmada Masaajid Cali Gaduud duqeyn iyadana lala eegtay ayuu Afhayeenku soo hadal qaaday ,wuxuuna sheegay in lagu dhameeyay intii ka soo hartay firxadka alshabaabii ka soo cararay deegaanka Wargaadh.
XAFIISKA WARARKA
DAYNIILE.COM
