MUQDISHO (DAYNIILE.Qaar ka mida degmooyinka Muqdisho sida Hodan,Warta-nabada iyo Kaaraan waxaa saaka u dareereen ama safaf u galeen qaadashada kaararka doorashooyinka qof iyo cod oo Dowlada Somalia ay qorheyneyso in Golaha deegaanka marka hore lagu doorto kadibna xilalka Dowlada guud ahaan ilaa madaxweyne lagu doorto.
Hore waxaa sida oo kale kaararka looga qaaday degmooyinka xebaha ku teedsan qaarkood sida C/casiis,shangaani,Xamarweyne,Xamar-jajab iyo Waaberi.
Degmooyinka Saaka safafka loogu jiro qaadashada kaararka doorashooyinka waxay u badan yihiin kuwa ugu dadka badan uguna dhul weyn Degmooyinka kale ee Magaalada Muqdisho, hay’adaha amaanka ayaa aad u adkeeyay amaanka shacabka .
Qaar badan oo ka mida dadweynaha oo TV-ga qaranku wareystay ayaa muujiyeen sida ay ugu faraxsan yihiin inay 56 sano kadib ay codkooda ku ciil bixi doonaan madaama ay qaateen kaararka cod bixinta.
XAFIISKA WARARKA
DAYNIILE.COM
