XIGASHO LAACIB.NET
Xiddiga reer Masar, Mohamed Salah, ayaa qarka u saaran inuu heshiis cusub oo laba sano ah u saxiixo Liverpool, taasoo kusii kordhin doonta joogitaankiisa kooxda ilaa sanadka 2027. Salah, oo horey qandaraaskiisu ugu ekaa 2025, ayaa muddo bilooyin ah doonayay inuu heshiiska kordhiyo, waxaana hadda la fahamsan yahay in wadahadallada ay hadda marayaan meel gebogebo ah.
Haddii uu heshiiskan dhammeystiro, Salah wuxuu noqon doonaa mid Liverpool u ciyaaray muddo 10 sano ah, maadaama uu kooxda kusoo biiray 2017. Tan iyo markaas, wuxuu noqday mid ka mid ah ciyaartoyda ugu muhiimsan taariikhda Liverpool, isagoo dhaliyay goolal badan isla markaana ku hoggaamiyay kooxdiisa hanashada koobab waa weyn sida Premier League iyo Champions League.
Tababaraha Liverpool, Arne Slot, ayaa horay u muujiyay rajo wanaagsan oo la xiriirta sii joogista Salah, wuxuuna xusay in xiddigani weli ka mid yahay kuwa ugu muhiimsan kooxda. Waxa uuna xilli-ciyaareedkan sameeyay bandhig cajiib ah, isagoo dhaliyay 15 gool isla markaana caawiyay 12 kale.
Taageerayaasha Liverpool ayaa si weyn u sugaya xaqiijinta rasmiga ah ee heshiiskan, maadaama Salah uu weli laf dhabar u yahay weerarka kooxda.
XIGASHO LAACIB.NET
