XIGASHO LAACIB.NET
Paul Pogba ayaa si rasmi ah uga tagay kooxda Juventus bishii November 2024 kaddib markii si is afgarad ah loo kansalay heshiiskiisii. Xiddiga khadka dhexe ee reer France ayaa hadda xor ah, waxaana uu doonayaa inuu ku biiro koox cusub marka uu diyaar u noqdo inuu kusoo laabto garoomada bisha Maarso 2025.
Ka dib markii maxkamadda sare ee ciyaaraha (CAS) ay hoos u dhigtay ganaaxii afarta sano ahaa ee loo saaray isticmaalka maandooriyaha, Pogba ayaa heli doona fursad uu ku bilaabo tababarka Janaayo 2025, isagoo ciyaari kara kulammada rasmiga ah bisha Maarso.
Inkastoo kooxo dhowr ah ay xiiseynayaan Pogba – oo ay kamid yihiin Olympique Marseille iyo Inter Miami – wararkii ugu dambeeyay waxay sheegayaan inuu si gaar ah u danaynayo inuu u guuro horyaalka Bundesliga ee dalka Jarmalka.Waxaa si qarsoodi ah loo ogaaday inuu doonayo inuu u dhaqaaqo Bayern Munich haddii ay u suura gasho.
Wuxuu haatan ku sugan yahay magaalada Miami, halkaasoo uu ka wado tababar gaar ah si uu isugu diyaariyo soo laabashada.
Haddii uu ku biiro koox Bundesliga ah, waxay noqon doontaa bog cusub oo ka mid ah buugga ciyaareedkiisa, isagoo doonaya inuu dib isugu muujiyo garoomada heerka sare ee Yurub.
Caalamka kubadda cagta ayaa si dhow u eegaya halka uu xiddigan 31 jirka ah ugu dambeyn ka ciyaari doono xilli ciyaareedka cusub.
