HARGEYSA (DAYNIILE.COM)-Golaha Wakiillada Maamulka Somaliland ayaa goor dhaw go’aan adag ka soo saaray safarka uu Ra’iisal-wasaaraha Soomaaliya Xamsa Cabdi-Barre maanta ku yimid magaalada Laascaanood ee Xarunta Maamulka SSC Khaatumo.
Golaha Wakiillada Somaliland waxay safarkaani ku tilmaameen mid farogelin qaawan ku ah qaranimada iyo madaxbannaanida Somaliland.
Gabi ahaanba waxay soo jeediyeen in la laalo ama la burburiyo
wadadahadladii Somaliland iyo Soomaaliya.
Sidoo kale waxay ugu baaqeen Madaxweynaha Maamulka Somaliland C/raxmaan Cirro inuu shir degdeg ah oo qaran isugu yeero Xildhibaanada,wasiirada,xisbiyada siyaasadda iyo guud ahaanba waxgaradka Somaliland sida uu baahiyay SAAB TV.
Shirkaani ayay Golaha wakiilada sheegeen in lagu gaaro si talo qaran oo midaysan oo ay ka yeeshaan safarka Laascaanood ee safarka Ra’iisal-wasaaraha Soomaaliya.
XAFIISKA WARARKA
DAYNIILE.COM
DAYNIILE.COM
