BUULA-BURDE (DAYNIILE.COM)-Wararka ka imaanaya Deegaanka Abooreey ee hoos taga Magaalada Buula-burde ee Gobolka Hiiraan ayaa sheegaya inuu dib u bilowday dagaalkii u dhexeeyay Dowlada iyo Alshabaab.
Dagaalka ayaa galay maalintii 3-aad oo xiriir ah waxaana la soo sheegayaa in maanta ay weerar soo qaadeen Alshabab oo shalay lagu jabiyay dagaalka islamarkaana laga saaray deegaanka inta badan.
Hubka nuucyadiisa kala duwan ayaa la soo sheegayaa inay isu adeegsanayaan xili ciidamada Dowlada iyo kuwa macawisleyda ay iska difaacayaan Alshabaab oo istaraatiiji u aragta deegaankaani.
Dhanka kale Taliyaha ciidamada Xoogga Somalia Odawaa Yuusuf Raage ayaa ku sugan deegaanka Abooreey kadib markii uu shalay gaaray halkaasi isagoo ay la socdeen ciidamo uu gurmad ahaan u keenay.
XAFIISKA WARARKA
DAYNIILE.COM
