BUULO-BURDE (DAYNIILE.COM)-Ciidamada Macawisleyda Gobolka Hiiraan ayaa galabta duulaan ku qaaday deegaanka Abooreey oo ee duleedka Magaalada Buulo-burde.
Deegaankaan oo in ka badan asbuuc ay ciidamada Dowlada iyo Macawisleydu dagaal ku hayeen ayaa hadana waxaa wali gacanta ku haya kooxda Alshabaab inkastoo maalmihii ugu dambeeyay aanay dagaalo halkaasi ka dhicin markii ay ciidamada Dowlada iyo macawisleydu isaga baxeen aaga.
Macawisleyda ayaa galabta waxay dib ugu laabteen dagaalkii ay ku doonayeen inay Alshabaab kaga saaraan deegaanka Abooreey halkaasoo alsabaabku aad u daneynayaan.
Macawisleyda oo weerarkooda dhowr jiho kaga qadeen Abooreey ayaan wali laga helin wax faah-faahin xili dad deegaanadaasi ka dhaw ay sheegayaan in hugunka dagaalka iyo hubka waa weyn ee la isu adeegsanayo laga maqlayo meelo badan.
XAFIISKA WARARKA
DAYNIILE.COM
