WASHINGTON (DAYNIILE.COM)-Kumanaan ardey ayaa banaan bax ka dhigay Dalka Mareykanka gaar ahaan caasimada Washington iyagoona muujiyay siday uga soo horjeedaan xariga Dowladu kula kacday ardey dhawaan ka banaan baxday diidmadooda dagaalka Gaza iyo xasuuqa shacabkaasi lagu hayo.
Isu soo baxayaasha soo dhoobtay xarunta ICE ee Mareykanka si ay uga mudaaharaadaan xariga ardayda
Dibadbaxayaasha ayaa isugu soo baxay wadada Pennsylvania oo aan ka fogeyn Aqalka Cad, waxaana ay u lugeeyeen xarunta dhexe ee laanta socdaalka iyo ilaalinta canshuuraha Mareykanka ee ICE.
Sababta ay sidaas u yeeleen ayaa ah walaac ay ka qabaan dadka waddooyinka laga qabqabtay sababo la xiriira diidmadooda waxa ka socda Gaza.
Dadka la xiray ayaa loo sheegay in booskooda aan la aqbali karin, lagana yaabo inay waayi karaan kaarka cagaaran ama fiisaha ay halkan wax ku baran karaan.
Waxaa ka mid ah ardayad la xiray kuwo u dhalatay dalka Iran, waxaana kaxeystay askar dhar cad ah, iyadoonaa hadda lagu hayo xabsiga.
Qaar badan oo ka mid ah kiisaskani waxay marayaan nidaamka garsoorka, laakiin waxaa jira walaac cad oo baahsan oo ah in ilaalinta koowaad ee wax ka beddelka – xuquuqda hadalka xorta ah – aan loo dabaqin sidii ay ahayd.
XAFIISKA WARARKA
DAYNIILE.COM
