JANAALLE (DAYNIILE.COM)-Wararka ka imaanaya Magaalada Janaalle ee Gobolka Shabeelaha hoose ayaa sheegaya in halkaasi uu ka dhacay dagaal xooggan oo u dhexeeya ciidamada Xoogga Dalka iyo kooxda Alshabaab.
Dagaalkaani wuxuu ku bilowday weerar madaafiic oo Alshabaab ku soo qaadeen xero ciidamada Dowlada ay ku leeyihiin Janaale taasoo keentay in markaasi kadib ciidamadu xerada ka soo baxaan islamarkaana weeraraan Alshabaab duleedka Janaale ka soo ridayay madaafiicda.
Dagaal fool- ka fool ah ayaa duleedka ku dhexmaray labada dhinac kasoo sababay dhimasho iyo dhaawac balse ma jirto warar madax banaan oo laga helaayo khasaaraha ka dhashay dagaalkaasi.
Dagaalamayaasha Alshabaab ayaa maalmihii ugu dambeeyay waxay weeraro ka wadaa labada shabelle ee dariska ah iyagoo isku dayaya inay deegaano ka qabsadaan dhanka Dowlada xili ciidamada Dowladuna ka hor taagan yihiin.
XAFIISKA WARARKA
DAYNIILE.COM
