GAROWE (DAYNIILE.COM)-Wararka laga helaayo Magaalada Garowe ayaa sheegaya in halkaasi maanta ay ku dagaalameen ciidamo ka wada tirsan Maamulka Puntland.
Dagaalka ayaa ka dhex qarxay ciidamo ka yimid dhanka Boosaaso oo watay gaadiid dagaal iyo kuwa koontoroolka Garowe ku sugan kadib markii ciidamada Boosaso ka yimid lagu amray inay hubka iska reebaan.
Ciidamada Tiknikada watay ee Boosaaso ka yimid ayaa ku adkeystay inay hubkooda la galayaan gudaha Magaalada Garoowe taasina waxay keentay is rasaaseyn xooggan inuu dhexmaro labada dhinac.
Laba askari ayaa dhimatay halka 4 kalana dhaawacmeen inta laga war hayo kuwaasoo ciidamada ka wada tirsanaa.
Masuuliyiinta Maamulka Puntland wali wax sharaxaad ah kama bixin khasaaraha dhimashada ee ciiddamadooda soo kala gaaray.
XAFIISKA WARARKA
DAYNIILE.COM
