Wararka laga helaayo xadka Gobolada Hiiraan iyo Sh.dhexe ayaa sheegaya in halkaasi uu maanta ka socdo Dagaal beeleed aad u xooggan kaasoo u dhexeeya Beelaha walaalaha ah ee Xawaadle iyo Abgaal.
Dagaalka oo sida wararka aan ku helnay xoogiisu ka socdo deegaanka ceeldheere buraale ayaa gaystay khasaare nafeed oo aan yareyn walow aan wali la helin tira sugan madaama dagaalku xolwli ku socdo.
Wararku waxay intaasi ku darayaan in labada dhinac gacmaha iskula tagayaan mararka qaar dagaalka xoogiisa darteed.
Dhimashada iyo dhaawaca waxaa la soo sheegayaa inay badan yihiin oo marba inta la kala jiito hadana la isku soo laabanayo.
Dhanka Dowlada Faderaalka Soomaaliya iyo Maamulka Hirshabelle wali midkoodna ma qaadin talaabo adag oo lagu joojin karo colaadaasi.
Dagaalka ayaa sabab u ah is qabqabsi dhanka dhulka ah taasoo xalna aan loo helin,iyadoo dhinac kastaa sheeganayo dhulka inay leeyihiin.
XAFIISKA WARARKA
DAYNIILE.COM
