MUQDISHO (DAYNIILE.COM)-Wasiirkii hore ee Wasaarada Gaashaandigga C/qaadir Maxamed Nuur oo dhawaan xilka wasaaradaani laga qaaday islamarkaana loo badalay wasaarada Dekedaha ayaa wali wuxuu ku hadlayaa afka wasaaradaasi xili baraha bulshada laga hadal hayo inuusan ku qanaxsaneyn islamarkaana ilaa Dalka Turkey dacwad la isla gaaray.
Wasiir C/qaadir ayaa maanta ka qeybgalay munaasabad Xarigga looga jarayay xarunta warbaahinta Iyo Xariirka dadweynaha ee Wasaaradda Gaashaandhigga Soomaaliya taasoo lagu qabtay magaalada Muqdisho.
Xaruntaan oo loogu magac daray Allaha u naxariistee Marxuum Wariye Cabdinaasir Cabdulle Gacal oo ku shahiiday dagaalada Alshabaab ka dhanka ah ayaa intii uu hadlayay wasiirka dekadaha C/qaadir wuxuu guud ahaan ku hadlayay afka wasaarada gaashaandhiga xili munaasabada guud ahaan ayba quseyso wasaarada gaashaandhiga taasoo muujineysa in Xukuumada dan qaran ay wax ka ogtahay.
lama yaqaan sababta Wasiirka cusub ee Gaashaandhiga Jabriil Cabdirashiid Xaaji Cabdi loogu casuumi waayay inkasoo wali aan xilka si rasmi loogu wareejin taasina ay sababtay inuu shirka maanta ka qeybgalo Wasiir C/qaadir hadana marka la eego hadalada uu maanta ka jeediyay munaasabada marna ma muujin in xilka uu ku hadlayo laga qaaday taasoo shaki kale keeneysa.
Dhamaadkii bishii hore ayay ahayd markii uu ka soo muuqday wafdigii Madaxweyne Xassan u raacay kulankii uu la soo yeeshay Madaxweynaha Turkey markii uu furimaha dagaalka ka soo laabtay iyadoo la rumeysan yahay inuu ku socday magaca wasaarada gaashaandhiga xili uusan wali wareejin xilka hadana waa markii labaad ee uu saxaafada ka soo hor muuqdo waliba isagoo ku hadlaya afka wasaarada gaashaandhiga walibana shirka xitaa uga qeybgalay.
Haddaba halkaan hoose ka daawo muuqaalka hadaladii uu maanta jeediyay isagoo bilow ilaa dhamaad ku hadlaya afka wasaarada gaashaandhiga:-
XAFIISKA WARARKA
DAYNIILE.COM
DAYNIILE.COM
