XARARDHEERE (DAYNIILE.COM)-Ciidanka deegaanka ee ku sugan degmada Xarardheere ee Koonfurta gobolka Mudug iyo Shacabka Magaaladaasi ayaa si diirran u soo dhaweeyay Wasiirka cusub ee Wasaaradda Gaashaandhigga, Axmed Macallin Fiqi.
Shacabka iyo ciidamada deegaanka ayaa dabaal degooda isugu soo baxay Magaalo xeebeedka Xarardheere iyagoo wata gadiidkooda dagalka iyo hubkooda culus kadibna hadalo kookoban ayay jeediyeen.
Sidoo kale ciyaaro dhaqameedyo iyo rasaas kor loo ridaayay ayay ugu bdabaal degeen xili shacab iyo ciidamaba laga dareemi karay wajiyadooda sida ay ugu faraxsan yihiin magacaabista Axmed Macalin Fiqi.
Sarkaal u hadlay ciidamada deegaanka ayaa goobta isu soo baxa ka sheegay in Wasiir Axmed Macalin Fiqi uu abaal badan ku leeyahay reer Xarardheere isagoo bil dhan la joogay xili uu dhiirigelin siinayay ciidamada deegaanka 2023 markaasoo deegaano badan laga baxay.
XAFIISKA WARARKA
DAYNIILE.COM
