War ka soo baxay Maamulka Gobolka Banaadir ayaa lagu faahfaahiyay khasaaraha dhimashada iyo bur-burka ka dhashay roobabkii xalay ka da’ay Muqdisho.
Afhayeenka Maamulka Gobolka ayaa warbaahinta hor yimdi wuxuuna faahfaahin ka bixiyay tirada dadka ku dhintay roobabka oo 10 ku dhaaw iyo burburka wadooyinkaku yimid.
Halkaan ka daawo faah-faahinta :-
MUQDISHO (DAYNIILE.COM)-Guddoomiyaha Guddiga Doorashooyinka Qaranka Cabdikariin Axmed Xasan ayaa cadeeyay in Ra’iisulwasaare Xamza Cabdi Barre diiday inuu iska diiwaan geliyo Degmada Shangaani si uu codkiisa uga dhiibto marka doorashooyinka la gaaro.
Gudoomiye C/kariin Axmed Xasan wuxuu sheegay markii uu dhawaan booqday Ra’iisulwasaraha Somalia is diiwaangelintii laga bilaabay Degmada Shangaani in loo soo jeediyay inuu Shangaani ka qaato kaarka doorashooyinka balse uu diiday.
Mar uu ka hadlayay sababta uu u diiday ayuu sheegay inuu Degmada Shangaani ka door biday Degmada Warta-Nabada.
Xamsa ayaa xusay inuu degan yahay Degmada Warta-Nabada oo Madaxtooyadu ku taal sidaas daraadeedna uu jecel yahay inmuu Degmada uu degan yahay iska diiwaan geliyo kana qaato kaarta doorashooyinka.
Sidoo kale Gudoomiyaha Gudiga Doorashooyinka wuxuu beeniyay inay jiraan masuuliyiin Dowlada ka tirsan oo laba jeer is diiwaan-geliyay,gudoomiyaha wuxuu cadeeyay in sistamka ay ku shaqeryaan uusan ogoleyn in laba jeer la is diiwaan geliyo.
Halkaan ka daawo gudoomiyaha doorashooyinka arimahaani ka hadlaya:-
XAFIISKA WARARKA
DAYNIILE.COM
QARTUM (DAYNIILE.COM)-War ka soo baxay Dowlada Suudaan ayaa si weyn loogu eedeeyay maamul Goboleedka Soomaaliyeed ee Puntland inuu taagero dad-ban siiyo kooxaha mucaaradka ku ah Dowlada Sudan ee lagu magacaabo RSF.
Wasaarada Arimaha dibada Sudan ayaa dacwo rasmi ah soo gaarsiisay Dowlada Somalia iyagoo ka dacwoonaya maamulka Soomaaliyed ee Puntland oo uu hogaamiyo Madaxweyne Saciid Dani .
Dowlada Sudan waxay sheegtay in taageero dad-ban iyo mid toos ahba Maamulka Puntland inuu siiyo Mucaaradkooda RSF.
Garoonka diyaaradaha Boosaaso waxay Sudaantu ku sheegeen meel xligaan loogu adeego kooxda RSF islamarkaana ay u isticmaalaan safaro iyosahay ciidan
“ilo xog-ogaal ah oo gudaha iyo dibada isugu jira ayaa muujinaya in maamulka Puntland uu siinayo mucaaaradka taageero istaraatiiji iyo mid saadka ahba isugu jira”ayaa lagu yiri warka ka soo baxay Dowlada Sudan
Maamulka Puntland taageeerada uu siinayo RSF waxay sheegtay Dowlada Sudan inay ka timaado dalal uu ka mid yahay Imaaraadka Carabta oo hore Suudaan u sheegtay in Imaaraadku yahay cida kaliya ee fangareysa kooxda RSF ee mucaaradka ku ah Dowlada Sudan.
Dhanka kale Dowlada Sudan waxay soo hadal qaaday hadal dhawaan ka soo baxay wasiirka warfaafinta Maamulka Puntland kaasoo beniyay inay garab siiyaan mucaaradka Sudan,wuxuuna ku tilmaamay beenintaasi mid marin habaabin ah.
Si kastaba lama oga talaabada ay qaadi doonto Dowlada Somalia iyo sida ay uga falcelin doonto dacwadaan la soo gaarsiiyay.
XAFIISKA WARARKA
DAYNIILE.COM
War ka soo baxay Dowlada Kenya ayay ka hadasha inay xoojisay istaraatiijiyada ay kula dagaalayaan Alshabaab dhanka Xuduuda Somalia kuwaasoo weeraro joogta ah Kenya ka geysta.
Wasiirka arrimaha gudaha iyo maamulka qaranka Kipchumba Murkomen ayaa ku faanay inay adkeeyeen amaanka xadka ay Somalia la wadaagaan islamarkaana meesha ka saaray cabsida laga qabo in ay sare u kacaan weerarada Al-Shabaab.
Wasiirka oo qirey qarax khamiistii lala beegsaday ciidamada Booliiska Kenya inay ku dhaawacmen ilaa sedex askari kuwaasoo marayay deegaanka Dadaab ayuu hadana xusay inay guulo ka gaareen la dagaalanka Alshabaab marka la eego xadka somalia iyo Kenya.
Wasiirka wuxuu mar kale sheegay in qaraxa kadib ay ay alshabaab mid ka dileen mid kalana ay nolosha ku soo qabteen ciidamadu,sidoo kale wuxuu carabka ku dhuftay inay qabteen qaar ka mid ah agabkii alshabaabku wateen sida qoryo iyo rasaas.
XAFIISKA WARARKA
DAYNIILE.COM
