whitebackground600
Home Blog Page 7

Wasiir Muqdisho ku qaabilay Madaxa Hay’adda UNDP Soomaaliya

Wasiirka Wasaaradda Hawlaha Guud, Dib-u-dhiska iyo Guriyeynta Dowladda Federaalka Soomaaliya Dr. Cilmi Maxamuud Nuur ayaa xafiiskiisa ku qaabilay madaxa hay’adda UNDP Soomaaliya, Mr. Lionel Lourense.

Intii uu kulanku socday, waxaa diiradda la saaray sidii wax looga qaban lahaa horumarinta kaabayaasha dhaqaalaha dalka, magaalooyinka, iyo u adkaysiga isbeddelka cimilada.

Ugu horreyn, Agaasimaha Hubinta Tayada Dhismaha ee Wasaaradda Hawlaha Guud, Cabdikariin Xasan Daahir, ayaa soo dhoweeyey madaxa hay’adda UNDP Soomaaliya iyo wafdiga uu hoggaaminayo.

Madaxa hay’adda UNDP, Mr. Lionel Lourense, ayaa sheegay in UNDP iyo Wasaaradda Hawlaha Guud ay ka dhaxayso wada shaqayn dhow, loona baahan yahay in la dardar geliyo horumarinta kaabayaasha dhaqaalaha dalka sida waddooyinka, buundooyinka iyo magaalooyinka.

Wasiirka Wasaaradda Hawlaha Guud, Dib-u-dhiska iyo Guriyeynta DFS, Dr. Cilmi Maxamuud Nuur, oo soo xiray kulanka, ayaa bogaadiyey soo jeedimaha iyo aragtiyaha laga soo bandhigay, Waxa uu sheegay in Wasaaradda Hawlaha Guud ka go’an tahay in ay ka shaqeyso horumarinta iyo hirgelinta qorshayaashaas muhiimka ah.May be an image of 2 people, dais and textMay be an image of 8 people and suitMay be an image of 2 people, dais, newsroom and text

Israa’iil oo weerartay caasimadda Lubnaan iyo wararkii ugu dambeeyay ee Gaza

Israa’iil ayaa weerar cirka ah ku qaaday duleedka koonfureed ee caasimadda Lubnaan ee Beirut, taasoo cirka isku shareertay qiiq aad u badan.

Ciidamada Israel ayaa xoojiyay weerarada guud ahaan marinka Qaza, iyagoo dilay ugu yaraan 50 falastiiniyiin ah tan iyo waaberigii Axadii.

Dhex dhexaadiyaha Qatar ayaa sheegay in xoogaa horumar ah laga gaaray wadahadallada lagu doonayo in lagu xaqiijiyo heshiis cusub oo dhexmara Israa’iil iyo Xamaas.

Ugu yaraan 52,243 falastiiniyiin ah ayaa la xaqiijiyay in ay ku dhinteen 117,639 ay ku dhaawacmeen dagaalka Israa’iil ee Gaza tan iyo markii uu billowday 18 bilood ka hor. Xafiiska warbaahinta ee xukuumadda Gaza ayaa cusboonaysiiyay dhimashadeeda in ka badan 61,700, isaga oo sheegay in kumannaan qof oo lagu la’yahay burburka hoostiisa loo malaynayo inay dhinteen.

Qiyaastii 1,139 qof ayaa lagu dilay Israa’iil intii lagu guda jiray weerarradii ay Xamaas hoggaaminaysay Oktoobar 7, 2023, in ka badan 200 oo qofna waa la qafaashay.

     SOURCE ALJAZEERA
XAFIISKA WARARKA
DAYNIILE.COM

Dalxiiska iyo nolosha mataay mid wax ka badasho Somalidana waa

Ra’iisulwasaare Xamsa oo isku shaandheyn kooban ku sameeyay Golaha Wasiirada

MUQDISHO (DAYNIILE.COM)-Ra’iisulwasaaraha Soomaaliya Xamsa Cabdi-Barre ayaa goor dhaw oo galabta ah isku shaandheyn kooban wuxuu ku sameeyay Golaha Wasiirada Somalia iyadoo laba wasiir xilalka laga badalay.

Axmed Macalin Fiqi oo ahaa Wasiirkii  arimaha dibada ayaa xilka laga qaaday waxaana loo badalay Wasiirka Gaashaandhiga Somalia.

Wasiirkii Gaashaandhiga Jabriil C/rashiid ayaa xilkaasi laga qaaday waxaana loo badalay Ra’iisulwasaare xigeen 2-aad inuu noqdo.

Ra’isiulwasaare xigeenkii 2-aad C/salaan Cabdi Cali ayaa xilkaasi laga qaaday waxaana loo badalay oo loo magacaabay wasiirka Arimaha dibada Somalia.

Ma jirto masuul kale oo isku shaandheyntaani ay saameyay, waxayna arintaani ku soo aadeya xili maalmihii ugu dambeysay la hadal hayay in Madaxweyne Xassan uusan ku qanacsaneyn ninka dhawaan loo dhiibay Wasiirka Gaashaandhiga Jabriil kaasoo aan ku firfircooneyn shaqadaasi xili dalku dagaal ku jiro.

Guud ahaan isku shaandheyntaani waxaa loo sameeyay dalab iyo codsi ka yimid Madaxweyne Xassan oo uu u gudbiyay Ra’iisulwasaaraha Somalia Xamsa taasoo salka ku heysa in Wasaarada gaashaandhiga loo helo qof ku haboon, waxaana ugu dambeyn loo dhiibay Fiqi oo Madaxweynaha saaxiibadiisa ugu horeeya ka mid ah.

Dooqa ah in Wasiir Fiqi gaashaandhiga loo dhiibo maalmo ka hor ayaa la isla gartay laakiin waxaa wareer ka taagnaa cida wasaarada arimaha dibada ka bixi karta ee isaga lagu badei karo taasoo ilaa iyo galabta soo gaaray waxaana ugu dambeyn madaxda sare isla garteen in Ra’iisulwasaare xigeenka iyo Wasiirka gaashaandhiga la isku badalo madaama ay isku reerna ka soo jeedaan.

XAFIISKA WARARKA
DAYNIILE.COM

Shir Amniga ku saabsan oo ATMIS iyo Hirshabelle ku dhex maray Jowhar

May be an image of 4 peopleJowhar, 27-April-2025: Madaxweynaha Dowladda Hirshabeelle Mudane Cali Cabdullaahi Xuseen (Cali Guudlaawe) ayaa shir-guddoomiyey kulan looga hadlayey ammaanka guud ee Dowladda Hirshabeelle.
Wasiirka Amniga, Saraakiisha Ciidamada Qalabka sida uu ugu horeeyo Taliyaha Guutada 3’aad iyo Saraakiisha AUSSOM ayaa qeyb ka ahaa kulanka.
Ugu horeyn Madaxweynaha ayaa warbixin ka dhageeystay qeybaha shirka ku sugnaa.
Taliyaha Sector 5 ee ciidamada AUSSOM gaar ahaan kuwa Burundi Col. Oscar Hatungiman ayaa sheegay inay sii xoojinayaan dadaallooda dhanka nabad-galyada ee sannadihii dambe ay ka wadeen Soomaaliya gaar ahaan Hirshabeelle oo goobo dhowr ah ay ka joogaan.
“Dowladda iyo Shacabka Burundi waxaan uga mahadcelinayaa naf-hurnimada ciidamadooda, runtii qalbiyadeenna ay ku jiraan oo kaalin muuqato ayay ku leeyihiin howlgalka AUSSOM.”
Ugu dambeyn Madaxweynaha Hirshabeelle oo kulan gaar ah kula qaatay xafiiskiisa ayaa kaalintooda ku abaalmariyey saraakiisha Burundi ee waqtiga dheer ka howlgaleyso Hirshabeelle.
DHAMMAAD
Wixii faah-faahin ah kala xiriir
Agaasimaha Warfaafinta iyo Xiriirka Bulshada Madaxtooyadda
Mohamed Shurie NurMay be an image of 1 person and textMay be an image of 1 personMay be an image of 6 people

Taliyaha Booliiska Gobolka Hiiraan oo balan-qaadyo u sameeyay Saldhiga Degmada Jawiil.

JAWIIL (DAYNIILE.COM)-Taliyaha Qeybta Booliiska Gobolka Hiiraan Col.Isaaq Cali Cabdulle oo uu wehliyo Taliyaha Booliska Baladweyne C/laahi Maxamuud ayaa gaaray Magaalada Jawiil oo aad ugu dhaw Magaalada  Baladweyne ee Xaunta Gobolla Hiiraan halkasoo ay ku soo dhaweeyeen booliiska iyo bulshada Jawiil.
Taliye Isaaq ayaa gudaha saldhiga Jawiil wuxuu salaan sharaf kaga qaatay Booliiska saldhigaasi oo uu horkacayo Taliyaha.
Salaanta kadib Taliyaha oo hadalo kooban u jeediyay Booliiska saldhigaasi ayaa faray in tababarkii dhawaan ay qaateen ay ugu adeegaan bulshada ay ciidanka u yihiin iyo goob kasta oo loo wareejiyo.
Taliye Isaaq wuxuu aad ugu booriyay cidamada inay ku dadaalaan amniga Magaalada Jawiil isagoo dhanka kalana carabka ku adkeeyay in booliisku ogaadaan inay qaran u shaqeeyaan sidaas daraadeed hadii deegaankiisa laga qoro uusan u qaadan inuu halkaasi kalaiya ka shaqeyn doono.
“hadii Jawiil lagaa qorey macnaheedu maaha inaad halkaan kaliya shaqadaadu tahay, la socda waxaad tihiin ciidan qaran mar kasta waxaa loogu badeli karaa meel kasta oo Hirshabele ka tirsan”ayuu yiri Taliyaha
Sidoo kale Taliyaha ayaa ciidmada ka balan qaaday inuu ku dadaali doono sidii uu Dowlada uga soo qaadi lahaa dareys iyo gunada ay ku shaqeyn lahaayeen intaba.
Dhanka kale Gudoomiyaha Degmada Jawiil C/qaadir Cabdi C/lahi ayaa taliyaha iyo saraakiisha la socota ku soo wareejiyay qaar ka mid ah wadooyinka Jawiil si ay xaalada amni ugu kuur galaan.
Gudoomiyaha Degmada Jawiil iyo Taliyaha Booliiska Hiiraan ayaa aargada Jawiil waxay kula hadleen saxaafada iyo bulshada.
Gudoomiye C/qaadir oo ka mhadceliyay booqashada taliyaha ayaa xusay in taliyuhu u yimid u kuurgelida xaalada amni ee Magaalada.
Taliyaha ayaa isna dhankiisa  sheegay inay soo mareen deegaanka Ceel-gaal kadibna ay Degmada Jawiil usoo gudbeen,wuxuu tilmaamay taliyuhu madaama dalku dagaal ku jiro inay wadaan u kuur gelida xaalada amni .
Taliyaha wuxuu ku amaanay reer Jawiil sidey diyaarka ugu yihiin ka qeybqaadashada dagaalada ka dhanka ah Alshabaab ee ka socda Gobolka Hiiraan.
XAFIISKA WARARKA
DAYNIILE.COMNo description available.No description available.No description available.No description available.No description available.No description available.No description available.No description available.No description available.No description available.No description available.

Laamaha Amniga Masar oo Tarxiil ku bilaabay Soomalida , xili Tahriib dhanka Liibiya Soomalida bilaabeen

Gudoomiyaha Baarlamaanka muxuu kala hadlay Safiirka Dalka Shiinaha

Muqdisho-Soomaaliya 27, April, 2025: Guddoomiyaha Golaha Shacabka ee Baarlamaanka Jamhuuriyadda Federaalka Soomaaliya Mudane Sheekh Aadan Maxamed Nuur (Madoobe) ayaa xafiiskiisa kulan mira dhal ah kula qaatay Safiirka Jamhuuriyadda Dadka ee Shiinaha u fadhiya Soomaaliya Danjire Wang Yu.
Safiirka Shiinaha ee Soomaaliya oo ugu horeyn Guddoomiyaha Golaha Shacabka uga mahadceliyay sida uu uga shaqeeyo xoojinta xiriirka ka dhaxeeya Shiinaha iyo Soomaaliya ayaa sidoo kale bogaadiyay hogaamintiisa Golaha Shacabka iyo sida ay uga shaqeynayaan shuruucda furaha u ah horumarka dowladnimada Soomaaliya.
Dhinaca kale Danjiraha Shiinaha ee Soomaaliya ayaa amaanay xiriirka qotada dheer ee ka dhaxeeya Shiinaha iyo Soomaaliya, waxa uuna tilmaamay in dowladda Shiinaha ay Soomaaliya uga duwantahay dalalka kale islamarkaana xiriirka ka dhaxeeya uu yahay mid mudo aad u dheer soo jiray hadana uu meel wanaagsan marayo.
Guddoomiyaha Golaha Shacabka ee Baarlamaanka Jamhuuriyadda Federaalka Soomaaliya Mudane Sheekh Aadan Maxamed Nuur (Madoobe) oo ugu horeyn bogaadiyay xiriirka soo jireenka ah ee ka dhaxeeya Soomaaliya iyo Shiinaha ayaa sheegay in Soomaaliya ay diyaar u tahay sidii loo xoojin lahaa xiriirka labada wadan oo hada meel wanaagsan maraya.
Guddoomiye Sheekh Aadan Madoobe ayaa si gaar ah u bogaadiyay xiriirka ka dhaxeeya baarlamaanadda labada wadan oo meel wanaagsan maraya muhiimna ay tahay in la xoojiyo lana dardargeliyo.
Ugu dambeyn Guddoomiyaha Golaha Shacabka ee Baarlamaanka Dalka iyo Danjiraha Shiinaha ee Soomaaliya ayaa isla gartay in labada baarlamaan ay dhex marto wada shaqeyn joogta iyo is dhaafsi dhinaca qibrada ah iyo sidoo kale in kor loo qaado aqoonta iyo tayada howlwadeenadda Golaha Shacabka.

May be an image of 2 people, dais and textMay be an image of 2 people, dais and textMay be an image of 3 people and newsroomMay be an image of 2 people, dais, newsroom and textMay be an image of 1 person and beardMay be an image of 2 people and textMay be an image of 3 people and textMay be an image of 1 person, dais and textMay be an image of 1 person

Dowlada Somalia oo fariin u dirtay Ganacsatada Shidaalka soo dejisa

MUQDISHO (DAYNIILE.COM)-War qoraal ah oo ka soo baxay Wasaaradda Bartoolka iyo Macdanta Xukuumada Faderaalka Soomaaliya ayaa farriin u dirtay ganacsatada soo dajiya Shidaalka.

Wasiirka wuxuu farayaa dhamaan ganacsatada shidaalka keenta iyo kuwa ka sii qaataba inay ilaaliyaan dhaqan gelinta xeer nidaaminta shidaalka kaasoo dhigaya in la ilaaliyo tayada shidaalka ee dalka la soo gelinaayo.

Xeer Nidaamintaan ayay wasaaradu soo saartay bishii March ee sanadkii 2023 intii uu joogay wasiirkii hore.

Qoraalka Wasaarada Batroolka ayaa sidan u qoran:-

May be an image of text

 

SAWIRRO: Qarax weyn oo dad badan ku dhinteen oo ka dhacay Dekad ku taal Dalka Iran

In this photo provided by Iranian Students' News Agency, ISNA, a helicopter drops water on the fire after a massive explosion rocked a port near the southern port city of Bandar Abbas, Iran, Saturday, April 26, 2025. (Razieh Pudat/ISNA via AP)Qarax weyn iyo dab ayaa shalay ka dhacay deked ku taal koonfurta Dalka Iran oo la sheegay in lala xiriiriyay shixnad walxo kiimikaad ah oo loo adeegsaday gantaalaha, kaas oo ay ku dhinteen 25 qof ayna ku dhaawacmeen ku dhawaad ​​800 oo kale.

Diyaarado Helicopters ah iyo diyaarado ayaa hawo ka caawinayay si loo bakhtiijo dabkii ka kacayay ilaa subaxnimadii Axada ee dekadda Shahid Rajeei.

Qaraxa ayaa dhacay xilli Iran iyo Mareykanka ay Sabtidii ku kulmeen Cumaan wareegii saddexaad ee wada xaajoodka barnaamijka Nukliyeerka ee Tehran ee sida xawliga ah u socda.

Dowlada Iran wali fah-faahin kama asan bixin iyo hadii ay jirto tuhun ah weerar la qorsheeyay oo kaga yimid banaanka.

Si kastaba ha ahaatee, xitaa wasiirka arrimaha dibadda ee Iran Abbas Arakchi, oo hogaaminayay wadahadalka, ayaa Arbacadii qiray in “adeegyada amnigu ay ku jiraan feejignaan sare marka loo eego dhacdooyin hore oo isku day ah oo la isku dayey in la dumiyo iyo hawlgallo dil ah oo loogu talagalay in lagu kiciyo jawaabo sharci ah.”

Warbaahinta dowladda ayaa soo bandhigtay tirooyinka khasaaraha, iyadoo maamulka uu aqoonsaday 10 ka mid ah dadka dhintay oo ay ku jiraan labo dumar ah.

Waxa ay sidoo kale sheegtay in dhaq dhaqaaqii dekadda ay dib u bilowdeen, kuwaasi oo muujinaya muuqaalada konteenarada markab ganacsi oo laga soo dejinayo.

Shirkadda amniga ee gaarka loo leeyahay ee Ambrey ayaa sheegtay in dekeddu heshay kiimikooyinka shidaalka gantaalaha bishii March.

Waa qayb ka mid ah shixnad ammonium perchlorate ah oo laga soo raray Shiinaha oo ay laba markab u rareen Iran, oo markii ugu horreysay ay soo warisay bishii Janaayo ee Financial Times.

Kiimikada loo isticmaalo in lagu sameeyo gantaalada adag ayaa loo isticmaali doonaa in lagu buuxiyo kaydka gantaalada Iran,kaas oo ay ka dhammaatay weeraradii tooska ahaa ee ay ku qaaday Israa’iil intii uu socday dagaalka ay Xamaas kula jirtay Marinka Gaza.

“Dabka ayaa lagu soo waramayaa inuu ka dhashay si aan habboonayn oo loo maareeyay shixnadda shidaalka adag ee loogu talagalay in loo isticmaalo gantaallada ballistic-ga ee Iran,” ayuu yiri Ambrey.

Falcelintii ugu horreysay ee Axaddii, Afhayeenka wasaaradda gaashaandhigga Iran Gen. Reza Talaeinik, ayaa beeniyay wararka sheegaya in shidaalka gantaallada laga soo dejiyay dekedda.

“Ma jiro nooc ka mid ah shixnadaha la soo dejiyay ama dhoofinta ee shidaalka ama dalabka militariga oo yaal (ama) goobta dekedda,” ayuu Afhayeenku u sheegay TV-ga qaranka

Afhaeeka wuxuu war aan sal iyo raad toona lahayn ku tilmaamay wararka Shisheeye ee ku saabsan Shidaalka Gantaalka in Dekada la keenay.

SOURCE AP (Associated Press)

XAFIISKA WARARKA
DAYIILE.COMDeadly explosion shakes Iran, hundreds hospitalized after port fireDeadly explosion shakes Iran, hundreds hospitalized after port fireIn this photo provided by Islamic Republic News Agency, IRNA, men carry an injured man after a massive explosion near the southern port city of Bandar Abbas, Iran, Saturday, April 26, 2025. (Mohammad Rasoul Moradi/IRNA via AP)In this photo provided by Islamic Republic News Agency, IRNA, two men on a motorcycle drive through debris after a massive explosion rocked a port near the southern port city of Bandar Abbas, Iran, Saturday, April 26, 2025. (Mohammad Rasoul Moradi/IRNA via AP)Deadly explosion shakes Iran, hundreds hospitalized after port fireDeadly explosion shakes Iran, hundreds hospitalized after port fire

1...678...98Page 7 of 98
- Advertisement -

news

Murf AI

admin - 0
Murf AI: The Ultimate Platform for High-Quality Voiceovers in Multimedia Content In present day day virtual international, content introduction is extra important than ever. Whether...

Etsy – Shop for handmade, vintage, custom, and unique gifts

Weekly Meal Planner and Grocery List | Google Sheets Digital Template...

eBooks Buy Fiction, Non-Fiction, and Textbooks Online

book store near me

HOT NEWS

© warkii.com