XIGASHO LAACIB.NET

Taageerayaasha Liverpool ayaa isku abaabulaya si ay Trent Alexander-Arnold ugu qanciyaan inuu sii joogo kooxda, xilli wararka la xiriirinaya Real Madrid ay sii kordhayaan.

Taageerayaashu waxay qorsheeyeen inay keenaan boorar iyo calaamado farriimo u sida ciyaaryahanka, kulanka xiga ee ay Liverpool gurigeeda ku ciyaarayso, si ay muujin ugu sameeyaan kalgacalka ay u qabaan.

Ol’olahan ayaa billowday kaddib goolkii quruxda badnaa ee Alexander-Arnold uu ka dhaliyay Leicester City kulankii ay 1-0 ku badiyeen. Dabbaaldeggiisa dareenka lahaa iyo sawirro uu ku daabacay bartiisa Instagram oo ciwaan uga dhigay “Xilliyo Gaar ah” — isla ciwaankii uu Van Dijk u adeegsaday markii uu heshiis cusub saxiixay — ayaa rajo cusub geliyay taageerayaasha.

Mid ka mid ah taageerayaasha ayaa barta X ka yiri: “Waa ciyaaryahan jiilkagan gaar ah. kuma lumin karno si bilaash.” Mid kale ayaa si toos ah u yiri: “Trent waa inuu sii joogaa kooxda”

Taageerayaashu waxay rajeynayaan in fariimahan ay Anfield ku buuxin doonaan ay saameyn ku yeelan doonto go’aanka xiddiga, maadaama weli aysan wax heshiis ah kala saxiixan Liverpool.

Tababaraha kooxda, Arne Slot, ayaa sidoo kale bogaadiyay taageerada joogtada ah ee jamaahiirta, isagoo yiri: “Taageerayaashayadu waxay mar walba ahaayeen kuwa na garab taagan.”

Iyadoo Liverpool ay wali ku jirto loolanka hanashada horyaalka Premier League, isku duubnida u dhexeysa ciyaartoyda iyo taageerayaasha ayaa noqotay hubka ugu weyn ee kooxda. Kulanka soo socda ayaa noqon doona mid muhiim ah, ha ahaado dhinaca horyaalka ama mustaqbalka Alexander-Arnold.

XIGASHO LAACIB.NET

Xiddiga siddeeda jeer ku guuleystay Ballon d’Or ayaa labaatan sano ku dhowaad ahaa kan ugu sareeya kubadda cagta, isagoo barbar socda xafiiltan toos ah oo kaga imanayay Ronaldo.

Si kastaba, iyadoo labada xiddigba ay hadda dhamaadka xirfadooda ku sii dhow yihiin, jiil cusub oo xiddigo ah ayaa soo baxay.

Markii la weydiiyay magacyada ciyaartoyda ay carruurtu hadda ku daydaan, Messi wuxuu si cad uga reebay liiska isaga iyo Ronaldo, isagoo xusay Robert Lewandowski oo ay xafiiltan ahaayeen, iyo afar xiddig oo dhalinyaro ah oo ka mid ah kuwa ugu ifaya Yurub.

Messi ayaa u sheegay Simplemente Fútbol:

“Carruurtu waxay daawadaan wax kasta oo ay ciyaartoydu sameeyaan, way garanayaan dhammaan xiddigaha, waxayna raacaan dhammaan. Ciyaartoyda ay ka sheekeeyaan waa Mbappe, Vini Junior, Haaland, Lewandowski iyo Lamine Yamal.”

Messi wuxuu si gaar ah u ammaanay Lamine Yamal, xiddig kale oo kasoo baxay La Masia, kaas oo Spain ku hoggaamiyay guushii Euro 2024, islamarkaana hadda hogaaminaya Barcelona xilli ay u muuqato inay hanan karaan seddaxley koobab ah – isagoo weliba jira kaliya 17 sano.

Messi wuxuu yiri:

“Waa wax layaab leh waxa uu Lamine Yamal sameynayo iyo waxa uu horeyba u gaadhay.

Wuxuu horey  horyaal Yurub ah kula guuleystay Spain. Wuxuu jiraa kaliya 17, welina wuxuu ku jiraa marxalad koritaan, wuxuuna sii wadi doonaa horumar iyo wax ku biirin, sida aan aniguba sameeyay.

Wuxuu leeyahay tayo cajiib ah, wuxuuna horeyba uga mid yahay ciyaartoyda ugu fiican dunida.”