QAZA (DAYNIILE.COM)-Isbitaalada Gaza ayaa wajahaya gabaabsi iyadoo ay jirto duqeymaha Israel, gaajo, iyo go’doominta saadka.

Xamaas ayaa dib u eegis ku samaynaysa soo jeedinta xabbad joojinta cusub ee Israel waxayna ka jawaabi doontaa sida ugu dhakhsaha badan.

Sida afhayeenka dhaqdhaqaaqa Sami Abu Zuhri u sheegay Al Jazeera codsiga hubka ka dhigista Hamas ma aha mid la aqbali karo xitaa in la maqlo.

Ugu yaraan 17 falastiiniyiin ah ayaa lagu dilay 69 kalena waa lagu dhaawacay weerarrada Israa’iil ee ka dhacay Qaza 24-kii saac ee la soo dhaafay, sida ay sheegtay wasaaradda caafimaadka ee deegaankaas.
Wasaaraddu waxay sheegtay in ugu yaraan 51,000 Falastiiniyiin ah la xaqiijiyay inay dhinteen 116,343 kalena ay ku dhaawacmeen dagaalka Israa’iil ee Gaza.

Xafiiska Warbaahinta ee Dowladda ayaa dhimashadiisa ka dhigay in ka badan 61,700, iyadoo sheegtay in kumannaan qof oo lagu la’yahay burburka hoostiisa loo maleynayo inay dhinteen. Ugu yaraan 1,139 qof ayaa lagu dilay Israa’iil intii lagu guda jiray weerarradii ay Xamaas hoggaaminaysay 7-dii Oktoobar 2023 in ka badan 200 oo qofna waa la qafaashay.

SOURCE ALJAZEERA
XAFIISKA WARARKA
DAYNIILE.COM

LAAS-CAANOOD (DAYNIILE.COM)-Diyaaradii qaday Ra’iisulwasaaraha Soomaaliya ee Star Airline ayaa goor dhaw oo maanta waxay Laas-caanood ka soo qaaday maxaabiistii reer Somaliland ee codsiga Ra’iisulwasaaraha Soomaaliya ay ku daayeen Maamulka SSC Khaatumo.

Maxaabiistaan oo tiradoodu tahay 25 sida ay hore u aqbaleen reer Khaatumo ayaa agu wadaa in Muqdisho laga anbabixiyo islamarkaana Dowladu dhex dhexaadiso labada maamul si Somalland intaas oo kale oo maxaabiis ah u soo deyso.

Ciidamada reer Somaliland xabsiyada SSC Khaatumo laga soo saaray ayaa la sheegay in lagu soo xushay daruufo sida ay u kala liitaan dhanka caafimaadka iyo da’da.

Hadaba halakaan ka daawo muuqaalka maxaabiistii oo diyaarad laga soo saarayo Laas-caanood:-

XAFIISKA WARARKA
DAYNIILE.COM

Dowlada Mareykanka ayaa shaacisay inay cunaqabateyn dhaqaale  ku soo rogeen 15 sarkaal oo kooxda Alshabaab ka mid ah kuwaasoo qaarkood madax Magaalo ah.

Talaabaaani ayaa qeyb ka noqoneysa mid lagu curyaaminayo dhaqaalaha kooxda iyo waliaba saraakiisha

1- Xasan Abshir Xuuroow  oo alshabaab u qaabilsan  Sarkaalka sirdoonka iyo dhaqaalaha .

2- Aadan Yuusuf Saciid Ibrahim (Ibrahim): wuxuuu qaabilsan yahay  ururinta lacagaha qasabka ah ee Shabeellaha Hoose sida iibka xoolaha iyo ganacsiga suuqyada.

3- Muumin Dheere   Ku-xigeenka amiirka Jubada Hoose; wuxuu  weerarray garoonka diyaaradaha ee Kismaayo,sidoo kale wuxuu qaabilsan yahay isku duba ridka gaadiidka walxaha qaraxa ay saaraan.

4-Macalin Burhaan Taliyaha Hisbada ee Al-Shabaab ee deegaanka Wayanta, Jubada Hoose; wuxuu caan ku ahaa xarigga iyo xiritaanka in ka badan 80 qof oo shacab ah.
5- Cali Axmed Xuseen waa masuulka ugu sareeya Al-Shabaab ee Shabeellaha Hoose.

6-Maxamed Cali  waa Taliye ciidan oo Al-Shabaab ah, isagoo hoggaaminayay 100 dagaalyahan oo hoos taga Cali Dheere.

7-Axmed Kabadhe  waa Amiirka Jubbaland ee Al-Shabaab.
8-Siyaad Ayuuto (Ayuuto): Taliyaha Hisbah ee Al-Shabaab ee Jubada Hoose;
9-Xasan Yariisoow Aadan Taliye sare oo Al-Shabaab ah.

10–Siciid Cabdullaahi Aadan   Khabiir Al-Shabaab u qaabilsan walxaha qarxa; sidoo kale wuxuu lacago qasab uga qaadi jiray shacabka deegaanka.

11-Maxamed Cabdullaahi Xirey : Guddoomiyaha Al-Shabaab ee Jubada; wuxuu ka qayb qaadan jiray baahinta dacaayadaha kooxda.

12-Cabdi Roobow  Taliye dhexe oo ka tirsan Al-Shabaab, kana hawlgala deegaanka Wayanta ee Jubada Hoose; wuxuu qorsheeyay weerarro isagoo la shaqeynayay Dheere
13-Sheekh Aadan Abuukar Malayle waa Hoggaamiye Al-Shabaab ah; wuxuu mas’uul ka ahaa lacagaha khasabka ah ee Shabeellaha Hoose, kooxda.
15-Cumar Guhaad: Taliye Al-Shabaab ee Shabeellaha Hoose; wuxuu amar ku bixiyay in beelaha deegaanka ay bixiyaan lacag badan oo ay kooxda ku taageeraan.

Saabir & Samiiro- Yaa kala irdheeyey? (Qiso Murugo Badan)😭😭

Samiiro iyo Saabir waa laba qof oo is jeclaa si dhab ah, jacaylkooda wuxuu ka bilowday xilli ay isku fasal ahaayeen, dugsiga sare. Saabir wuxuu ahaa wiil deggan, hadal yar oo karti badan, halka Samiiro ay ahayd gabar edeb leh oo indhaha dadka si dabiici ah u soo jiidatay.

Muddo dheer ayay xiriirkooda qarinaayeen, iyagoo ka cabsanaya in waalidiinta ama bulshada ay ka dhax noolyihiin ka hor yimaadaan. Laakiin jacaylku markuu dhaboobo, waa mid aan la qarin kari. Waalidkii Samiiro ayaa ugu dambeyntii ogaaday, waxayna si adag uga hor yimaadeen xiriirkaas, iyagoo leh: “Nin aan reer iyo magac toona lahayn lama guursado.”

Samiiro waxay ku dhex dhacday cadaadis — jacaylkeedii iyo qoyskeedii. Saabir wuu u sabray, wuu sugayay, wuxuuna u sheegay inuu diyaar u yahay inuu sugo inta ay wax is bedelayaan.

Laakiin maalin uun ayay Samiiro u dirtay fariin kooban:

> “Waan ka xumahay Saabir. Qoyskeyga ma dhaafi karo. Waa in aan ka tagaa. Ilaahay baan kuu barayaa.”

Saabir wuu murugooday, qalbigane waa uu ka jabay. Ma garanayn waxa uu khalday. Wuxuu is weydiiyay: “Ma jacaylka aan bixiyay baa yaraa? Mise Samiiro ayaa iga tanaasushay?”

Laakiin runta, waxay ahayd Samiiro in aysan awoodin dagaalka nolosha, dagaalka u dhexeeya jacaylkeyda iyo waalidka inkastoo Jacaylka uusan guuleysan mar walba, gaar ahaan marka uu la kulmo cadaadiska dhaqan iyo qoys.

Su’aasha isweydiin mudan waxay tahay: Yaa kala irdheeyey lamaanahaan?

W/Q: Mohamed Abdullahi Mohamed (Cukaash)

Email :- Mcnmokaash21@gmail.com

MUQDISHO (DAYNIILE.COM)-Shacabka ku dhaqan Degmada Shangaani ee Gobalka Banaadir ayaa maanta usoo baxay inay isu diiwaan geliyaan doorasho qof iyo cod ah oo Dowladu qorsheyneyo inay dalka ka dhacdo.

Reer  Shangaai ayaa si mug weyn isusgu soo baxay inay isdiiwaan geliyaan si ay uga qeybqaataan doorashooyinka heer degmo oo lagu wado in hada kadib shacabku doortaan gudoomiyihii ay rabaan.

Masuliyiin ay ka mid yihiin Gudoomiyaha Gobolka Banaadir ahna duqa Muqdisho iyo ku xigeenka dhanka siyaasada Maxamed Yabooh ayaa gaaray goobta ay isku diiwaan gelinayeen shacabka.

Sidoo kale waxaa goobta yimid Gudoomiyaha Gudiga doorashooyinka,iyo Taliyaha Booliiska Gobolka Banaadir.

Duqa Muqdisho Mr Amiir ayaa noqday muwaadinkii ugu horeeyay ee is diiwaan geliya taasoo dhanka kalana ahayd furitaanka barnaaminka is diiwaan gelinta shacabka oo markii ugu horeysay maanta laga bilaabay Muqdisho tan iyo Dowladihii rayidka ee dalka  soo maray.

XAFIISKA WARARKA
DAYNIILE.COM

Wararka laga helaayo Gobolka Hiiraan ayaa sheegaya in Madaxweyne xigeenka Hirhabelle Yuusuf Daba-geed iyo ciidamo badan uu hogaaminayo inay ku wajahan yihiin dagaalka ka socda mudada asbuuca ah deegaanka Abooreey.

Warar ku dhaw dhaw Yuusuf Daba-geed ayaa sheegaya in Madaxweyne xigeenka uu la soo dhaqaqay ciidamo ka badan kun askari iyo tikniko gaareysa ilaa 150 isagoona doonaya inuu Asbuuc kadib soo afjaro Alshabaabka wali abooreey heysta.

waxaa xusid mudan in maanta oo talaado ah ay u buuxsantay hal asbuuc markii uu bilowdo dagaalka Abooreey oo ahayd talaadadii hore markii si lama filaan ah alshabaab ku qabsadeen deegaankaasi oo dhankooda istaraatiiji u ah.

Wararku waxay intaasi ku dareen in Masuulkaani wacad ku maray inuu dagaalka wax badan ka badeli doono  islamarkaana uu Alshabaab ka saarayo deegaanka Abooreey oo ay hada ku go’doonsan yihiin sida saraakiisha ciidamada xoogga iyo kuwa macawisleyda ay ku celcelinayeen maalmihii ugu dambeeyay.

XAFIISKA WARARKA
DAYNIILE.COM

CEELASHA BIYAHA (DAYNIILE.COM)-Kooxda Alshabaab ayaa la soo sheegayaa inay Ceelasha biyaha ku dileen Gudoomiye ku xigeenka dhanka  arimaha bulshada deegaanada Sabiib iyo Caanoole Maxamed Xassan Maxamuud (Maqas).

Kooxaha hubeysan ee masuulkaani toogtay ayaa la sheegay inay ka baxsadeen markii ay dilka fuliyeen kadib mana jirin wax ciidamo ah oo degdeg ku soo gaaray goobata.

Allaha u naxariistee Masuulkaani dilkiisa sheegtay kooxda Alshabaab oo war ay soo saareen  ku sheegtay inay iyaga fuliyeen dilkaasi.

Ciidamada Dowlada Somalia ayaa goobta gaaray dilka kadib waxayna sameeyeen dhaq dhaqaaqyo walow aysan ku gaarin kooxaha dilka fuliyay,sidoo kale lama soo sheegay dad ay u qabteen dilkaasi.

XAFIISKA WARARKA
DAYNIILE.COM

MUQDISHO (DAYNIILE.COM)-Hotel Jaziira ee Magaalada Muqdisho waxaa maanta ka furmaya shir ay leeyihiin odayaal,siyaasiyiin iyo waxgarad ku abtirsada Beesha Hawiye waxaana looga hadlayaa la dagaalanka kooxda Alshabaab iyo doorka beesha marka la eego furumaha dagaal ee reerkaasi kaga furan Alshabaab.

Shirkaan oo socon doona sedex maalin, furitaanka Talaadada maanta ah , beri oo arbaca ah iyo khamiista oo la soo xiri doono insha Allaah.

Shirkaan waxaa soo qaban qaabiya oo dhaqaalahana bixiyay qurba joogta beesha gaar ahaan kuwa dalalka Jarnalka, Sweden iyo Finland.

Shirka waxaa diirada lagu saari doonaa sida aan warbixinta ku helnay dar dar gelinta dagaalka ka Alshabaab lagula jiro waxaana cinwaan looga dhigay shirkaani Shirweynaha Hawiye ee la dagaalanka Khawaarijta iyo Hawiye uma kala harayo halganka heerya-diidka.

XAFIISKA WARARKA
DAYNIILE.COM