Home Blog Page 16

XOGTA : Madaxweyne Xassan oo qirtay in maanta looga adkaaday dagaalkii ka dhacay Aadan Yabaal

MUQDISHO (DAYNIILE.COM)-Madaxweynaha Soomaaliya ayaa ka hadlayay xiritaanka shirkii xuquuqul insaanka ee Muqdisho ka socday ayaa si la yaab leh oo aan hore looga baran wuxuu uga hadlay dagaalka Aadan Yabaal ee Alshabaabku ku qabsadeen magaaladaasi.
Madaxweynaha oo malaha diidanaa buun buuninta baraha bulshada ka socota ayaa wax caadi ah ka soo qaaday in dagaal marka uu dhaco qoloba mar meel laga qabsado.
Madaxweynaha wuxuu sheegay in labadii sano ee la soo dhaafay Dowladu waday guulo waa weyn iyo ka saarida degmooyin badan ee kooxda Alshabaab.
“ Labadii sano ee la soo dhaafay ayaan guuleysaneynay hadii ay dhacdo in hal mar nalaga guuleysto macnaheedu maaha ciidamadii ayaa kala tagay “

“goob dagaal maalinaa lagu riixaa maalinaad wax riixee , maalina waa lagaa adkaanaa maalina waa adkaanee , maalmo is daba socdaa lagaa adkaanaa sidoo kale maalmo is daba socdaa adkaanee” ayuu yiri Madaxweyne Xassan

“laba sano oo is daba tiilay ayaan adkaanay oo aan daba soconay marka mar marka qaarkood hadii nalaga adkaado oo nala soo daba kacaa taas macnahedu maaha dagaalkii waa lagu fashilmay”ayuu mar kale yiri Madaxweyne Xassan
Sidoo kale wuxuu dhaliilay siyaasiyiinta baraha bulshada ka sheega in Alshabaab adkaadeen kuwaasoo sheega in ciidamadii kala yaaceen islamarkaana jirin ciidan Soomaaliyeed .
“meesha waa la qabsaday aad leedahay sow askari maaheyn waxa laga qabsaday”ayuu yiri mar kale Madaxweyne Xassan.

Madaxweynaha wuxuu tilmaamay shacabka Soomaaliyeed inay isu qiimeeyaan imisa degmo iyo deegaan ayay ciidamada qaranku alshabaab ka saareen oo ay imisa ayay iyagu qabsadeen, wuxuu intaasi ku daray inay dadku xisaabtamaan oo xaqiiqada ay iyaga eegaan balse aan been lagu qufin.

“dadka soomaaliyeed waxaan leeyahay yaan la idin qaldin oo huuhaa iyo cabsi gelin la idnku sameyn” ayuu yiri Madaxweynaha qaranka Soomaaliyeed Dr.Xassan Sheekh Maxamuud
Dhanka wuxuu soo hadal qaaday warka maalmahaan danbe la hadal hayay ee ahaa in Alshabaab cunaqabateyntii ka qaadeen Bay iyo bakool oo deegaanada qaar oo ay kala xireen ayuu sheegay inaysan ka ahayn calool jileec balse ay dano ka leeyihiin.
XAFIISKA WARARKA
DAYNIILE.COM

Xamaas oo shuruud ku xirtay xabad joojin kasta oo ay la galayaan Israa’iil

QAZA (DAYNIILE.COM)-Sarkaal ka tirsan Xamaas ayaa sheegay in heshiis kasta oo xabad joojin ah oo Gaza laga gaaray ay tahay in ay ku jirto in Israa’iil ay gebi ahaanba ka baxdo Gaza.

Wasiirka difaaca Israel Katz ayaa sheegay in ciidamadu ay ku sii sugnaan doonaan goobaha laga qabsaday ee Gaza si aan xad lahayn, isaga oo ku tilmaamay “goobaha ammaanka”.

Waxa uu sidoo kale sheegay in wax gargaar ah aysan geli doonin Gaza, isaga oo intaa ku daray in Israa’iil ay cunnada u adeegsaneyso sidii qalab cadaadis ah oo ka dhan ah Xamaas iyadoo lagu baaqayo in la qaado go’doominta marinka.

Wasaaradda caafimaadka ee Gaza ayaa sheegtay in ugu yaraan 51,025 Falastiiniyiin ah la xaqiijiyay in ay dhinteen 116,343 kalena ay ku dhaawacmeen dagaalka Israa’iil ee Gaza tan iyo markii uu billowday 18 bilood ka hor.

Xafiiska warbaahinta ee xukuumadda Gaza ayaa cusboonaysiiyay dhimashadeeda in ka badan 61,700, isaga oo sheegay in kumannaan qof oo lagu la’yahay burburka hoostiisa loo malaynayo inay dhinteen. Ugu yaraan 1,139 qof ayaa lagu dilay Israa’iil intii uu socday weeraradii ay Xamaas hoggaaminaysay 7-dii Oktoobar 2023, in ka badan 200 oo qofna waa la qafaashay.

SOURCE ALJAZEERA
XAFIISKA WARARKA
DAYNIILE.COM

Relatives of the Palestinians killed in Israeli attack on a tent, mourn as the bodies are brought to Nasser Hospital in Khan Yunis, Gaza on April 16, 2025. ( Abed Rahim Khatib - Anadolu Agency )

War deg deg ah wararkii ugu Dambeeyey Taliye Ismaaciil Tuuriyare iyo maxaabiis ciidanka oo Alshabaab soo bandhigeen

https://youtu.be/aATKD_xlTNE?si=3RY6rbg2w23ZBN8J

DEG DEG: Maamulka Somaliland oo goor dhaw ka hadlay arimaha maxaabiista iyo wada-hadaladii kala dhexeeyay Dowlada Faderaalka

May be an image of 9 people and daisShir ay maanta Hargeysa ku yeesheen Golaha Wasiirada Maamulka Waqooyiga Somalia ee Somaliland ayaa laga soo saaray qodobo ay ku qeexeen arimaha maxaabiista reer Somaliland ee ay soo daayeen Maamulka SSC Khaatumo iyo dhex-dhexaadinta Dowlada ay ku dooneyso in labada dhinac maxaabiis is dhaafsadaan.
Sidoo kale qodobada waxaa ka mid ah arimaha wada-hadaladii u dhexeeyay maamulka Somaliland iyo Dowlada Somalia.
‘
Hadaba halkaan ka akhriso warkaan oo maamulka Somaliland ka soo baxay oo u qoran sidii ay u diyaariyeen warbaahintooda:-
Shirkii Golaha Wasiirrada Jamhuuriyadda Somaliland ee qabsoomay maanta 16ka Abriil, 2025 waxa uu si adag u cambaareynayaa tallaabadii daandaansiga ahayd ee uu Raysal-wasaaraha Dowladda Soomaaliya ku tagay magaalada Laascaanood 12kii Abriil 2025, taasi oo ahayd xad-gudub ka dhan ah qawaaniinta caalamiga ah iyo madax-bannaanida dhuleed ee Jamhuuriyadda Somaliland.
Xukuumadda Jamhuuriyadda Somaliland, iyada oo ka duulaysa qorshaheeda nabadeynta Deegaanka Bariga Sool, waxa ay hore u iclaamisay baaq nabadeed maalintii uu xilka la wareegayay Madaxweynaha JSL ee 12kii December 2024, waxa aanay mar kale adkaynaysaa in ay nabaddu tahay mudnaanteeda koowaad, iyada oo difaaca qarannimada Somaliland-na ay tahay xuduud lama taabtaan ah.
𝐐𝐨𝐝𝐝𝐨𝐛𝐤𝐚 𝟏𝐚𝐚𝐝 – 𝐃𝐨𝐰𝐥𝐚𝐝𝐝𝐚 𝐒𝐨𝐨𝐦𝐚𝐚𝐥𝐢𝐲𝐚 𝐰𝐚𝐱𝐚 𝐚𝐲 𝐬𝐢 𝐛𝐮𝐮𝐱𝐝𝐚 𝐮𝐠𝐚 𝐥𝐞𝐞𝐱𝐚𝐭𝐚𝐲 𝐣𝐢𝐝𝐤𝐢𝐢 𝐧𝐚𝐛𝐚𝐝𝐝𝐚 𝐢𝐲𝐨 𝐰𝐚𝐝𝐚-𝐡𝐚𝐝𝐚𝐥𝐤𝐚:
Dawladda Soomaaliya waxa ay si cad uga baxday dariiqii nabad-ku-wada-noolaanshaha iyo wada-hadalka, iyada oo imaatinkii Ra’iisul Wasaaraha Soomaaliya ee Laascaanood uu yahay xad-gudub badheedh ah oo ka dhan ah madax-bannaanida dhuleed ee Jamhuuriyadda Somaliland.
Tallaabadaasi waxa ay ahayd daandaansi siyaasadeed iyo hurin colaadeed, taas oo si toos ah khatar u gelinaysa xasilloonida gobolka Geeska Afrika, iyada oo lagu tuntay xeerarka caalamiga ah iyo xorriyadda muwaadiniinta Somaliland oo si sharci-darro ah loo afduubay.
𝐐𝐨𝐝𝐝𝐨𝐛𝐤𝐚 𝟐𝐚𝐚𝐝 – 𝐈𝐧 𝐚𝐚𝐧𝐚𝐲 𝐣𝐢𝐫𝐢𝐧 𝐰𝐚𝐱 𝐰𝐚𝐝𝐚-𝐡𝐚𝐝𝐚𝐥 𝐚𝐡 𝐨𝐨 𝐤𝐮 𝐬𝐚𝐚𝐛𝐬𝐚𝐧 𝐬𝐢𝐢-𝐝𝐞𝐲𝐧𝐭𝐚 𝐌𝐚𝐱𝐚𝐚𝐛𝐢𝐢𝐬𝐭𝐚:
Xukuumadda Somaliland waxa ay si cad u sheegaysaa in aanay jirin wax wada-hadal ah oo Dowladda Soomaaliya kala yeelatay arrimaha la xidhiidha siideynta maxaabiista.
Maxaabiista Raysal-wasaaraha Soomaaliya geeyay magaalada Muqdisho ma aha maxaabiis dagaal (𝐩𝐫𝐢𝐬𝐨𝐧𝐞𝐫𝐬 𝐨𝐟 𝐰𝐚𝐫)
Xukuumadda Somaliland waxa ay u aragtaa tallaabadaasi inay ahayd mid lagu qarinayo fashilka siyaasiga ah ee haysta Dowladda Soomaaliya.
𝐐𝐨𝐝𝐝𝐨𝐛𝐤𝐚 𝟑𝐚𝐚𝐝 – 𝐈𝐬𝐤𝐚𝐚𝐬𝐡𝐢𝐠𝐚 𝐂𝐚𝐚𝐥𝐚𝐦𝐢𝐠𝐚 𝐚𝐡 𝐞𝐞 𝐈𝐬-𝐝𝐡𝐚𝐚𝐟𝐢𝐬𝐠𝐚 𝐌𝐚𝐱𝐚𝐚𝐛𝐢𝐢𝐬𝐭𝐚 𝐢𝐲𝐨 𝐃𝐨𝐨𝐫𝐤𝐚 𝐈𝐂𝐑𝐂:
Xukuumadda Jamhuuriyadda Somaliland waxa ay wada hadallo la yeelatay Hay’adda Caalamiga ah ee Laanqeyrta Cas (ICRC) iyo danjireyaasha dalalka saaxiibka la ah si loo xalliyo arrinta maxaabiista, iyada oo ku saleysan xeerarka iyo hab-raacyada caalamiga ah ee maxaabiista.
Jamhuuriyadda Somaliland waxa ay diyaar u tahay in maxaabiista la isu waydaarsado hannaan kasta oo waafaqsan nidaamka isweydaarsiga maxaabiista, bud-dhigna ay u tahay hay’adda ICRC, iyada oo ay Xukuumadda Somaliland hore ugala hadashay arrimaha maxaabiista wadamada ay saaxiibka yihiin sida Maraykanka, Ingiriiska, Denmark, Turkiga iyo Emirate-ka Carabta.
𝐐𝐨𝐝𝐝𝐨𝐛𝐤𝐚 𝟒𝐚𝐚𝐝 – 𝐁𝐚𝐚𝐪𝐚 𝐉𝐚𝐦𝐡𝐮𝐮𝐫𝐢𝐲𝐚𝐝𝐝𝐚 𝐒𝐨𝐦𝐚𝐥𝐢𝐥𝐚𝐧𝐝 𝐞𝐞 𝐤𝐮 𝐰𝐚𝐣𝐚𝐡𝐚𝐧 𝐁𝐞𝐞𝐬𝐡𝐚 𝐂𝐚𝐚𝐥𝐚𝐦𝐤𝐚:
Xukuumadda Jamhuuriyadda Somaliland waxa ay cod dheer ugu baaqaysaa beesha caalamka in ay si degdeg ah uga falceliso xadgudubyada ay Dowladda Soomaaliya ka geysanayso Deegaanka Bariga Sool ee Somaliland, isla markaana ay taageerto dadaallada Jamhuuriyadda Somaliland ugu jirto soo celinta nabada deegaanka bariga Sool.
Duullaanka qorshaysan ee Soomaaliya ku soo qaaday Somaliland waxa uu khatar gelinayaa xasilloonida Geeska Afrika, wuxuuna fursad siinayaa kooxaha xagjirka ah iyo argagixisada, taas oo halis weyn ku ah nabadda iyo horumarka gobolka oo dhan.
𝐐𝐨𝐝𝐝𝐨𝐛𝐤𝐚 𝟓𝐚𝐚𝐝: 𝐖𝐚𝐝𝐚-𝐡𝐚𝐝𝐚𝐥𝐚𝐝𝐝𝐢𝐢 𝐮 𝐝𝐡𝐞𝐱𝐞𝐞𝐲𝐚𝐲 𝐉𝐚𝐦𝐡𝐮𝐮𝐫𝐢𝐲𝐚𝐝𝐝𝐚 𝐒𝐨𝐦𝐚𝐥𝐢𝐥𝐚𝐧𝐝 𝐢𝐲𝐨 𝐒𝐨𝐨𝐦𝐚𝐚𝐥𝐢𝐲𝐚:
Maadaama ay Dawladda Soomaaliya si joogto ah ugu kacday xad-gudubyo ka dhan ah Jamhuuriyadda Somaliland iyo mabaadi’dii wada-hadalladii hore u dhexmaray labada dal, Golaha Wasiirradu ee Jamhuuriyadda Somaliland waxa ay go’aamiyeen in laga baxo wada-hadaladii lagu jiray Soomaaliya, laga bilaabo maanta oo ay taariikhdu tahay Abriil 16th, 2025.
Jamhuuriyadda Somaliland waxa ka go’an difaaca Qaranimadeeda iyo adkaynta madax-bannaanideeda, si aan gorgortan lahayn.May be an image of 2 people, dais and text that says "ご"May be an image of 1 person, dais and textMay be an image of 1 personMay be an image of 1 personMay be an image of 1 person and daisMay be an image of 1 personMay be an image of 1 person and newsroomMay be an image of 2 people, dais, newsroom and textMay be an image of 2 people, dais and textMay be an image of 2 people, newsroom and daisMay be an image of 4 people, dais and textMay be an image of 1 person and dais

Taliye Asad oo Caawa furay Buugga Tacsida Sarreeye Guuto Maxamed Sh. Yuusuf Madaale

Taliyaha Ciidanka Booliiska Soomaaliyeed Sarreeye Guuto Asad Cismaan Cabdullaahi ayaa Caawa furay Buugga Tacsida Sarreeye Guuto Maxamed Sheekh Yuusuf Cumar (Madaale ) oo ahaa halyey dalkiisa iyo dadkiisa u soo huray noloshiisa, kana mid ahaa tiirarka muhiimka u ahaa Ciidanka Booliiska .
Taliyaha oo Guriga marxuumka ku booqday Qoyska uu ka geeriyooday ayaa la wadaagay Tacsida, waxaana uu si gaar ah ula kulmay awlaadii uu ka geeriyooday isagoona u rajeeyey in samir iyo Iimaan alle ka siiyo, naxariistii janana uu ka waraabiyo marxuumka.May be an image of 3 people, dais and textMay be an image of 5 people and daisMay be an image of 7 people, crowd and text that says "S T s/ CD SI"

Ciidamadii Dowlada iyo kuwa deegaanka oo soo faarujiyay aagaga Yasooman iyo Abooreey

Kadib markii maanta ay Alshabaab qabsadeen Degmada Aadan yabaal ee gobolka Shabeelaha dhexe ayaa waxaa mar kale soo baxeysa in ciidamada Dowlada iyo kuwa deegaanku inay ka soo baxeen aagaga Yasooman iyo Abooreey ee Gobolka Hiiraan.
Deegaanka Abooreey 8 maalmood ayuu dagaal ka socday iyadoo ciidamada Dowlada ay ku adkaatay inay Alshabaab ka saaraan deegaankaasi balse waxay ku guuleysteen inay go’doomiyaan, balse manta oo ahayd maalintii 9-aad ayay gabi ahaanba soo baneeyeen aagagii ay uga jireen halkaasi.
Lama yaqaan sababta keentay balse wararka ayaa intaasi ku daraya inay iskugu imaadeen deegaan aan ka fogeyn halka ay soo baneeyeen, mana cada inay abaabul dib u noqosho wadaan.
Wasaarada Gaashaandhiga war rasmi ah kama soo saarin guul darooyinka isdaba jooga ah ee maanta soo gaaray ciiidamada Dowlada iyo kuwa deegaanka ee waday howlgalada ka dhanka ah Alshabaab.
XAFIISKA WARARKA
DAYNIILE.COM

Madaxweyne Xassan oo maanta soo xirey Shirweynaha Xuquuqul Insaanka+SAWIRRO

Madaxweynaha Jamhuuriyadda Federaalka Soomaaliya Mudane Xasan Sheekh Maxamuud oo soo xiray Shirweynaha Qaran ee Xuquuqul Insaanka ayaa soo bandhigay sida ay dowladda uga go’an tahay in la xoojiyo xiriirka iyo wada-shaqeynta hay’adaha dowladda iyo bulshada ee arrimaha xuquuqda iyo adeegyada sharciga.

Madaxweynaha ayaa xusay in aan la gaari karin horumar siyaasadeed, dhaqaale, iyo bulsho haddii aan la dhammaystirin hannaanka dhowrista xorriyadaha aasaasiga ah, isagoo adkeeyey in la dhameystiro shuruucda horumarinaya xuquuqul insaanka iyo dhismaha hay’ad madax-bannaan ee xuquuqda aadanaha.

Madaxweynaha Jamhuuriyadda ayaa soo bandhigay duruufaha ku xeeran dalkeenna oo dagaal kula jira argagixisada, taas oo saamayn toos ah ku leh xaaladda xuquuqda dadka Soomaaliyeed, maadaama argagixisadu ay ku xadgudbeen xaq kasta oo ay lahaayeen dadkeennu, isuna soo bahaysteen daadinta dhiigga dadkeenna iyo boobka hantidooda.

Shirkan waxaa ka soo qaybgalay hay’adaha dowladda federaalka, dowlad-goboleedyada, hay’adaha Qaramada Midoobay, bulshada rayidka ah iyo wakiillo ka socday beesha caalamka.May be an image of 1 person, dais and text that says "tun in"May be an image of 3 people and daisMay be an image of 7 people, dais and textMay be an image of 3 people, dais and text that says "Natinnal ional Η Η SU S 0"May be an image of 3 people, lighting, table, wedding and daisMay be an image of 3 people and textMay be an image of 6 people, dais and textMay be an image of 3 people and daisMay be an image of 7 people, people studying, dais and textMay be an image of 7 people and dais

Kooxda Alshabaab oo xoog kula wareegtay Degmada Aadan Yabal

AADAN YABAAL (DAYNIILE.COM)-Dagaalkii cuslaa ee saaka Alshabaab ku soo qaadeen Degmada Aadan Yabaal ayaa ugu dambeyn waxaa magaalada la wareegay kooxda Alshabaab kadib labo sano oo ay gacanta Dowlada ku jirtay.

Dagaalkaan oo aad ugu adkaa ayaa la soo sheegayaa inuu sababo khasaare dhimasho iyo dhaawacba leh markii la isku riiqamay dagaalka wax kasta la isu adeegsaday.

Kooxda Alshabaab waxay isaga yimaadeen meel kasta ay jireen iyagoona xooga saaray sidii ay ula wareegi lahaayeen Magaalada Aadan Yabaal oo ah halka saldhiga u aha howlgalka ka socday shabeelaha dhexe.

Taliyaha ciidamada Xooga dalka ayaa dagaalkaasi la sheegay inuu goob joog ka ahaa uu hogaaminayay.

XAFIISKA WARARKA
DAYNIILE.COM

Faysal Cali Waraabe oo soo bandhigay Alshabaab oo ogolaatay qodobo la yaab leh

Eng Faysal Cali waraabe ayaa mar kale qoraal uu soo dhigay baraha bulshada iu taageeray Alshbaaab inay qabsadaan Muqdisho iyo guud aaahn Somalia.Sidoo kale wuxuu soo bandhigay qodobo la yaab leh oo Alshabaab aqbaleen sida u shesgay kuwaasoo kala ah.

-In ay joojiso Argagixisinamda
-In ay ka baxaan ururka Alq**cida iskana saaraan ajaaniibta aan dalka u dhalan.
-In ay ku ekaadaan dhulkooda
– Waxaa loogu deeqay khubaro kasoo jeeda Daalibaan oo kala talisa arimaha dowladnimada

Dagaalka culus ee saaka ka qarxay Degmada Aadan Yabaal iyo wararkii ugu dambeeyay

AADAN-YABAAL (DAYNIILE.COM)-Waxaa saaka  Dagaal culus uu ka socdaa Magaalada Aadan Yabaal kaasoo ay soo qaadeen kooxda Alshabaab.

Dagaalka oo qarxay saaka aroortii ayaa socda dhowr saacadood waxaana wararka qaar ee horushaca ah ay sheegayaan in ciidamada Dowlada ay xaafadaha qaar ka baxeen .

Ciidamo Milateri oo Dowlada ka tirsan ayaa ku sugan gudaha Magaalada Aadan Yabaal waxaana la soo sheegayaa in dagaalkaani uu sababay dhimasho iyo dhaawac aan cadad rasmi ah laga heyn.

Dagaalkaan oo la isu adeegsaday hubka nuucyadiisa kala duwan wali faahfaahin rasmi ah lagama hayo waxaase la sheegayaa in alshabaab u soo baxeen qaab weerarkooda oo qaraxyo ku bilowday inay qabsadan balse waxaa ka diidan kuwa Dowlada iyo deegaanka inta aan ka war heyo.

Wixii soo kordha wararkeena danbe ayaad kala socon doontaan insha Alllaah.

XAFIISKA WARARKA
DAYNIILE.COM

1...151617...88Page 16 of 88
- Advertisement -

news

book store near me

admin - 0
Are you looking for a library near me? That you are a lover of books who seek the last success of sales, a student...

eBooks Buy Fiction, Non-Fiction, and Textbooks Online

Weekly Meal Planner and Grocery List | Google Sheets Digital Template...

Etsy – Shop for handmade, vintage, custom, and unique gifts

Murf AI

HOT NEWS

© warkii.com