MUQDISHO (DAYNIILE.COM)-Siyaasiga Xildhibaan C/raxmaan C/shukuur Warsame oo maanta hambalyo u direy Madaxweynaha la doortay ee Maamulka Jubaland ayaa dhanka kale durey Dowlada Faderaalka Soomaaliya.
C/raxman C/shukuur Warsame wuxuu carabka ku adkeeyay in doorashada maanta Kismaayo ka dhacday ee Axmed Madoobe lagu doortay inay soo ajartay mudo kororsi sida uu sheegay inuu damacsanaa Madaxweynaha Soomaaliya Xasan Sheekh.
“Doorashada Madaxweyne Madoobe waxay soo afmeeraysaa rajadii muddo kororsiga ee Villa Somalia ee ku hoos duugnayd muddo kordhinta madaxda dowlad Goboleedyada”ayuu yiri C/raxmaan C/shukuur Warsame
Sidoo kale xildhibaanka wuxuu Dowlada uga digay inay Ciidanka Xoogga Dalka (CXD) u adeegsadaan dano siyaasadeed.
“waxaan xusuusinaynaa in ay waali tahay ku celcelinta ficillo isku mid ah iyadoo la filayo natiijo hor leh” ayuu yiri Xasan Sheekh
Xildhibaan C/raxmaan oo qoraal soo dhigay baraha bulshada ayaa sidoo kale ugu baaqay Madaxweyne Xasan Sheekh Maxamuud in uusan xaaladda kaga sii darin, muddada kooban ee ka harsan xilkiisana islamarkaana kaga faa’iidaysto baadigoobka midnimada iyo wadajirka dalka iyo dadka Soomaaliyeed, iyo sidii lagu gaari lahaa hannaan doorasho oo heshiis lagu yahay oo xilligeedana ku qabsoonta.
XAFIISKA WARARKA
DAYNIILE.COM
DAYNIILE.COM
Advertisement
